DAŞKƏSƏNDƏKİ FACİƏ İLƏ BAĞLI YENİ MƏLUMAT VAR

	30 iyul 2010


Onlayn ictimai-siyasi qəzet

Ölkə

DAŞKƏSƏNDƏKİ FACİƏ İLƏ BAĞLI YENİ MƏLUMAT VAR

Qətl törədən əsgərləri fasiləsiz “naryad”a yazırmışlar...

Daşkəsəndə yerləşən hərbi hissədə baş vermiş faciədən 10 gün keçməsinə baxmayaraq, aidiyyəti rəsmi qurumlar hadisənin törədilməsinin səbəbləri, motivi haqda heç bir açıqlama vermirlər. Müdafiə Nazirliyi indiyədək yalnız belə bir hadisənin baş verdiyini, ölən və yaralananların ad-soyadlarını açıqlayıb. Ölkənin baş prokuroru isə bu haqda qısa açıqlama verib.

O, hadisəyə görə iki nəfərin - hərbi hissənin komandirinin müavini Vələd Qurbanov və taqım komandiri baş leytenant Rüstəm Əhmədovun həbs edildiyini deyib.
Lakin hələlik rəsmi qurumlar faciənin səbəbləri və motivi haqda susurlar. Əslində, qeyri-rəsmi mənbələrdən aldığımız məlumatlar bu faciənin əsgərlərə olmazın zülmlər edilməsi üzündən baş verdiyini söyləməyə əsas verir. Düzdür, belə versiyalar da səslənir ki, əsgərləri kimsə təlimatlandıraraq, hadisə törətməyə təhrik edib. Bu versiya o qədər də inandırıcı görünmür, çünki heç bir əsgər özünün də ölümü bahasına hansısa hadisəni törətməyə razı olmaz. Əsgəri bu addımı atmağa ancaq onun şəxsiyyətinin alçaldılması sövq edə bilər.
Dünən də bu versiyanı təsdiqləyən daha bir informasiya almışıq. Bizi bilgiləndirən mənbə qeyd etdi ki, hadisə baş verən hərbi hissədə daha çox “naruşitel” zabit və çavuşlar cəmləndiyindən və əsgərlər də kasıb balaları olduğundan, burada hər zaman xoşagəlməz hadisələr baş verib: “Bu hərbi hissədə daha bir ənənəvi problem əsgər çatışmazlığıdır. Bura çətin hərbi hissə olduğundan və ancaq kasıblar üçün ”nəzərdə tutulduğundan" taqımlarda vakant yerlər çox qalır. Hadisəni törədən əsgərlər Sadiq Məmmədov və Elxan Əzizovun qulluq etdikləri taqımda cəmi 18 əsgər olub. Bu səbəbdən “naryad”a göndərməyə əsgər tapmırlarmış. Hadisəni törədən Elxan Əzizov son bir ayda qeyri-qanuni olaraq düz bir ay ərzində hər gün "naryad"a çıxarılıb. Həmçinin Sadiq Məmmədov da gənc əsgər olmasına baxmayaraq, fasiləsiz olaraq “naryad”a salınıb. Onlar buna etiraz etdikdə təhqiramiz formada cəzalandırılıblar. Onlara qarşı şəxsiyyətlərini təhqir edən hərəkətlər edildiyi üçün belə bir faciə yaşanıb. Onların hərbi hissə rəhbərliyini güllələməsi təsadüfi deyil. Çünki əsgərlərin başına gətirilənlərdən hərbi hissə rəhbərliyinin xəbəri olub və buna göz yumublar, həmin əsgərlərlə daha qəddar davranıblar".
Mənbə bildirdi ki, hadisəni törədən əsgərlər öncə qərargahın qarşısında dayanan zabitlərə atəş açıblar, daha sonra qərargaha daxil olaraq, qərargah rəisi Yusif Cumayevi və digərlərini vurublar.

Tofiq ƏHMƏDLİ

6501 dəfə baxılıb

[30.07.2010] - YUNESKO-nun BAŞ DİREKTORU BAKIDADIR

[30.07.2010] - RUSİYALI BİZNESMENƏ BAKIDA 7 İL İŞ İSTƏNİLDİ

[30.07.2010] - ANOMAL İSTİLƏR AVQUSTUN ƏVVƏLLƏRİNƏ QƏDƏR DAVAM EDƏCƏK

[30.07.2010] - ERMƏNİSTAN ORDUSUNDA ATIŞMA BAŞ VERİB

[30.07.2010] - RAMİL USUBOV KOLLEGİYA İCLASI KEÇİRDİ

[30.07.2010] - ADNAN HACIZADƏ YENİDƏN TÜRMƏYƏ QAYTARILDI

[30.07.2010] - ƏDLİYYƏ NAZİRLİYİ ELÇİN BEHBUDOVA PROBLEMLƏR YARADIR

[30.07.2010] - “AZƏRSUN” PREZİDENTİ A.M.A.Y RƏHBƏRİNİ AŞAĞILADI

[29.07.2010] - AZƏRBAYCAN SƏMASINİ RUS SİLAHI QORUYACAQ

[29.07.2010] - 700 BAL TOPLAYAN ABİTURİYENT YATAQXANADA YAŞAYIR