Ölkə İRAN DİPLOMATI BAKIDA DÜŞDÜYÜ QADIN TORUNDAN DANIŞDI Keçmiş səfir Əfşar Süleymani: “Şəmsiyyə Bəylərqızı özü gəlib əlimdən tutub, orada qadın naməhrəm kişi ilə öpüşə də bilər”

Son günlər Azərbaycan mediasının gündəmində özünə yer alan əsas mövzulardan biri də İranın ölkəmizdəki keçmiş səfiri Əfşar Süleymani ilə jurnalist Şəmsiyyə Bəylərqızının macərasıdır. Dünən Ə.Süleymani APA-ya müsahibəsində maraqlı mətləblərə toxunub. O deyib ki, bu xanım saxta sənədlərlə ona yaxın adamları aldadaraq pulunu aldığı üçün Daxili İşlər Nazirliyinə müraciət etməli olub.

“O, söz vermişdi ki, borclu olduğu 1 milyon 200 min dollardan 400 minini qaytarsın. Ancaq söz versə də bir qəpik də qaytarmadı. Görəndə ki, mən Bakı ilə əlaqəyə girib yenidən pulu tələb edirəm, başladı əleyhimə şantaja. O vaxt Bakıya gəlmişdim. Bu, o zaman idi ki, Bəylərqızı ATV-yə müsahibə vermişdi. O, haqqımdakı saxta sənədlərdən bir hissəsini də İrana göndərmişdi. Onda İranda prezident seçkilərinə hazırlıq gedirdi. Mən Mirhüseyn Musəvinin Ərdəbildə seçki kampaniyasının rəhbəri idim. Orada özünü islahatçı kimi təqdim edən insanlar məni ləkələmək istəyirdi. Onlar bu qadınla da əlaqəyə girmişdi... Bu insan mənimlə ailəli olduğu haqda saxta sənəd yayıb məndən bir övladının da olduğunu iddia edir”.
Keçmiş səfir deyib ki, sonradan qaytarılan evi sataraq borcları qaytarıb: “Təkcə o evi yox, Tehrandakı evimi, uşaqlarımın maşınını satdım. Bu qadın məni fəlakətə salıb. Mən tələb edirəm ki, o, ən azı mənə dilindən iltizam verdiyi 400 min dolları qaytarsın. Fəxrəddin Mehdiyevi özümə vəkil tutmuşam. İstəyirəm ki, bu qadın mənimlə evli olduğunu sübut edən sənədi məhkəməyə təqdim etsin”.
Keçmiş səfir “Sizin bu qadınla hər hansı intim münasibətiniz olubmu” sualına “qətiyyən” cavabını verib. O, Ş.Bəylərqızı ilə qol-boyun şəkil çəkdirməsini isə belə izah edib: “Nə bilim bu adam belə edəcək?! Özü gəlib əlimdən tutub. Orada qadın naməhrəm kişi ilə öpüşə də bilər. Tələb edirəm ki, bu adam rəsmi nikah sənədini ortaya qoysun, təslim olum. Onun süni mayalanma etdirdiyi vaxt mən Türkiyədə olmamışam. İstəyirəm ki, bu insan camaatın pulunu qaytarsın. Onu efirə çıxaran televiziyaya müraciət etmişəm ki, qarşı tərəf kimi mənim də hüquqlarımı tanısın və vəziyyətə aydınlıq gətirmək üçün efir vaxtı versinlər. Lakin onlar bundan imtina edib. İndi bu qadınla mənim işim təkrar məhkəmə ərəfəsindədir”.
50 yaşlı Ə.Süleymani həyat yoldaşının bu məsələyə münasibətindən də danışıb: “O bilir ki, bu qadın ”moşennik"dir. Bu qadın bir dəfə telefonumu götürüb bütün nömrələri köçürüb. Ondan sonra müəyyən nömrələrə SMS-lər göndərib. Bir neçəsini də xanımıma göndərib. Lakin həyat yoldaşım mənə inanır".
Təqaüddə olduğunu deyən Süleymani “Əsas işim bu qadınla bağlı vəziyyətə birdəfəlik aydınlıq gətirməkdir” deyib. O, Tehranda həbs olunması xəbərini də təkzib edib. Əlavə edib ki, yenə də Musəvinin fikirlərini dəstəkləyir və indiki İran iqtidarı ilə işləmək istəmir: “Seçki vaxtı Musəvinin yanında bir qrup fürsətpərəst gördüm. Bu adamlar da Şəmsiyyə ilə birləşib əleyhimə müəyyən işlər gördü. Musəviyə məktub yazıb onun ətrafındakı fürsətpərəst insanlar haqda məlumat verdim. Bu qadın özünü yazıçı kimi təqdim edib məni aldatdı. Mən yazıçının fırıldaqçı olduğunu görməmişəm. İnsanın bu qədər fırıldaq, yalançı olduğunu nə oxumuşam, nə tarixdə, nə də yuxuda görmüşəm”.

Cavid TURAN

1447 dəfə baxılıb

[15.03.2010] - AYAQLARINI İTİRƏN FƏHLƏNİN HEKAYƏTİ “YENİ MÜSAVAT”da

[15.03.2010] - MİTİNQ ÜZÜNƏ HƏSRƏT MEYDANLAR...

[15.03.2010] - ABUTALIBOV TARİXİ BİNANI TƏMİR ETDİRİB... SÖKDÜRDÜ

[15.03.2010] - “FÖVQƏLNAZİR” İNDONEZİYA VƏ MALAYZİYADA BİZNES QURUR

[15.03.2010] - VAKANT YERLƏRƏ İMTAHANLARIN NƏTİCƏLƏRİ AÇIQLANIB

[15.03.2010] - GƏNCƏDƏ 15 METRLİK PAXLAVA BİŞİRİLƏCƏK

[15.03.2010] - ƏLİMƏMMƏD NURİYEV OMBUDSMANI İTTİHAM ETDİ

[15.03.2010] - BİNƏQƏDİ BƏLƏDİYYƏSİNDƏ GİZLİ OYUNLAR

[15.03.2010] - NARDARANDA ARAZ AĞALAROVUN ŞİRKƏTİNDƏN NARAZILIQ VAR

[15.03.2010] - İSTİNTAQ SUMQAYITDAKI QƏTLİN İZİNƏ DÜŞƏ BİLMİR

[15.03.2010] - PARLAMENTDƏ QOCALAN DEPUTATLAR

[15.03.2010] - SAHİBKARLAR PAYTAXT MERİNİ SAXTAKARLIQDA SUÇLAYIR

[15.03.2010] - ƏFVƏ DÜŞƏCƏK MƏHBUSLARIN SİYAHISI TUTULUR

[15.03.2010] - ƏLİ HƏSƏNOVUN MÜJDƏSİ REALLAŞDI

[15.03.2010] - ZƏBT EDİLƏN MƏNZİL MƏCBURİ BOŞALDILA BİLƏRMİ?

[15.03.2010] - OĞUZDA DİNİ ZƏMİNDƏ HƏR AN QAN TÖKÜLƏ BİLƏR

[14.03.2010] - GÜLTƏKİN HACIBƏYLİNİN TƏNQİDLƏRİNƏ DƏSTƏK GƏLDİ

[14.03.2010] - QAT ABŞ SƏFİRLİYİ QARŞISINDA AKSİYA KEÇİRDİ

[14.03.2010] - BAKIDA DAHA BİR MÜƏMMALI ƏSGƏR ÖLÜMÜ

[14.03.2010] - NOVELLA CƏFƏROĞLU DEPUTATLARA ETİRAZ EDİR

ARXIV