Ölkə RƏSULZADƏ HAQQINDA DAHA BİR KİTAB 2010-03-11

Dünən saat 15:00-da Müsavat Partiyasının qərargahında tarixçi-alim Aydın Balayevin Azərbaycan Xalq Cümhuriyyətinin qurucusu Məhəmməd Əmin Rəsulzadəyə həsr olunan kitabının təqdimat mərasimi keçirildi. Tədbirdə müxalifət partiyalarının liderləri, elm xadimləri də iştirak edirdi. Tədbir himnimizin oxunması ilə açıq elan edildi. Müsavat Partiyasının başqanı İsa Qəmbər M.Ə.Rəsulzadənin xalqımız üçün dəyərli insan olduğunu qeyd etdi.

O, Rəsulzadəyə iftira atanları da xatırladıb dedi ki, böhtançılar üstündən 90 il keçsə də heç bir sübut ortaya qoya bilməyib. İ.Qəmbər A.Balayevlə bağlı xatirələrindən danışdı: “Aydın Balayev AXC-nin formalaşmasında, Müsavatın bərpasında mühüm rol oynayan şəxsiyyətlərdən biridir. İndi siyasi fəaliyyətlə məşğul olmasa da millətə xidmətini davam etdirir. Partiya üzvü olmaq şərt deyil. Əsas məsələ xalqa xidmətdir. Aydın bəy kimi insanları qiymətləndirmək, onların xidmətini cəmiyyətə göstərmək lazımdır”.
Müsavat Partiyası Mərkəzi İcra Aparatının rəhbəri Arif Hacılı kitabın Xalq Cümhuriyyəti haqda bol informasiyaya malik olduğunu bildirdi. Millət vəkili Pənah Hüseyn Rəsulzadə haqda daha sanballı əsərlər yazılacağını söylədi. BDU-da Rəsulzadəyə hələ də heykəl qoyulmadığını önə çəkən P.Hüseyn bildirdi ki, 15 ildə Rəsulzadəyə qarşı aparılan kampaniya heçə məhkumdur.
Azadlıq Partiyasının sədri Əhməd Oruc bu cür kitabların yazılmasını tariximizin öyrənilməsi baxımından əhəmiyyətli saydı. Ulu öndərin nəvəsi Rəis Rəsulzadə Müsavat rəhbərliyinə təşəkkür edib dedi ki, A.Balayevin indiyə qədər yazdığı kitablar vətəndaşlıq mövqeyinin duyulmasına görə seçilib.
A.Balayev isə dedi ki, xaricdə də Rəsulzadənin həyat və fəaliyyətinin araşdırılmasına maraq var. KXCP sədri Mirmahmud Mirəloğlu dedi ki, bu dünyada kim kimin arxasınca gedirsə, qiyamətdə ona görə mühakimə olunacaq: “Şərəfli ömür sürək ki, bizdən öncəki nəsillərin arzularını yerinə yetirək”.
Tədbir himnin oxunması ilə yekunlaşdı.

Leyla İLQAR

583 dəfə baxılıb

[12.02.2012] - ORDUDA DAHA BİR MÜƏMMALI ƏSGƏR ÖLÜMÜ

[12.02.2012] - SƏHİYYƏ NAZİRİ RÖVNƏQ ABDULLAYEVİN ADAMLARINI İŞDƏN QOVDU

[12.02.2012] - NAZİRDƏN AĞIR TONNAJLI QADAĞA

[11.02.2012] - 8 XULQANIN POLİSLƏRƏ HÜCUMU İLƏ BAĞLI DİN-dən BƏYANAT

[11.02.2012] - “BAKIDA İNSANLAR YERƏ TÜPÜRMƏYİ ADƏT EDİB”

[11.02.2012] - “QANUNİ OĞRU”lar VƏ “LOTU”lar HAQDA MARAQLI MƏLUMATLAR

[11.02.2012] - “ƏGƏR MƏNƏ İNANMIRSINIZSA, GEDİN ASFALTI YALAYIN”

[11.02.2012] - QAR PAYTAXTDA YENƏ PROBLEM GƏTİRDİ

[11.02.2012] - NEFT DAŞIYAN YÜK QATARININ QƏZAYA UĞRAMASI SƏBƏBİ ARAŞDIRILIR

[11.02.2012] - BAKI AVTOVAĞZALINDA HƏRC-MƏCLİK

[11.02.2012] - RAİL RZAYEVİN QƏTLİNDƏN 3 İL KEÇDİ

[11.02.2012] - BAKI ZOOPARKINDA HEYVANLAR İSTİ YERLƏRƏ KÖÇÜRÜLÜB

[11.02.2012] - QARLI HAVADA İQTİSADİYYATIMIZ GÜNDƏ 24 MİLYON MANAT İTİRİR

[11.02.2012] - DAHA BİR ADAM DONVURMADAN ÖLDÜ

[11.02.2012] - BÖLGƏLƏR DƏ DONUR

[11.02.2012] - BAKIDA İKİ DƏHŞƏTLİ AİLƏ ZORAKILIĞI

[11.02.2012] - «EUROVİSİON-2012» ÜÇÜN 63 MLN. DOLLAR AYRILACAQ

[10.02.2012] - AZƏRBAYCANDA ZƏLZƏLƏ OLUB

[10.02.2012] - ZÜLFÜQARLILARIN MƏHKƏMƏSİNDƏ LERİKLİ ÇOBANIN VİDEOETİRAFI MÜZAKİRƏ EDİLDİ

[10.02.2012] - MƏHKƏMƏ ZEYNƏB XANLAROVANIN BACISI OĞLUNUN ŞİKAYƏTİNİ TƏMİN ETMƏDİ

ARXIV