Ölkə 8 İTKİN TƏLƏBƏ MÜƏMMASI DAVAM EDİR 2010-03-16 Gənclərin harada olduğu, İrana necə aparıldığı hələ də qaranlıq qalır

Azərbaycan Dövlət Neft Akademiyasının (ADNA) yataqxanasında qalan 8 tələbə artıq 6 gündür ki, yoxa çıxıb. 5-i Bakı Dövlət Universitetində, 3-ü isə ADNA-da təhsil alan gənclərin harada olduğu haqda heç bir məlumat yoxdur. Aldığımız məlumata görə, məsələ ilə bağlı hüquq-mühafizə orqanlarında araşdırmalar aparılır, hadisəyə şahidlik edənlər dindirilir.

Dünən bu ilginc olayla bağlı hadisədən bir gün əvvəl tələbələrin göründüyü ADNA-da olub, itkin düşənləri tanıyanlarla söhbət etməyə çalışdıq. Məsələ ilə bağlı akademiyanın rektoru Səyavuş Qarayevlə görüşmək istəsək də, universitetin qapısında duran mühafizəçilər bizi Tələbə Həmkarlar İttifaqının sədri Zeynal Qarayevə yönləndirdilər. Lakin Zeynal müəllimi də yerində tapmadıq.
Deyilənlərə görə, itkin düşən Xaqani, Vasif, Samir və Xəqan adlı tələbələr hansısa təriqətin (ehtimalən vəhhabi) üzvü imişlər. Akademiyada oxuyan bir qrup  tələbə isə iddia edir ki, son illərdə universitetdə bu təriqətə qoşulanların sayı çoxalıbmış. Adının çəkilməsini istəməyən tələbələrdən biri isə yoxa çıxan Vasifin (familiyasını dəqiqləşdirə bilmədik-F.İ.) vəhhabi olduğunu söylədi: “Digər tələbələrin qaçırılması işini də əslən Şəki rayonundan  olan Vasifin planlaşdırdığı deyilir. Yaxından tanımıram. Amma bir neçə dəfə görmüşdüm. Onun şalvarı qısa, saqqalı isə bir qədər uzun idi”.
Xatırladaq ki, Vasif İrandan dostlarına zəng vuraraq, sağ-salamat olduqlarını və ərəb ölkələrindən birinə aparıldıqlarını deyib.
Respublika Baş Prokurorluğunun mətbuat xidmətinin rəhbəri Eldar Sultanov qəzetimizə açıqlamasında bildirdi ki, məsələ ilə bağlı prokurorluq orqanlarına hər hansı bir məlumat daxil olmayıb: “Bakıda 8 tələbənin yoxa çıxması ilə bağlı Respublika Prokurorluğuna hər hansı bir məlumat daxil olmayıb. Prokurorluq orqanlarında isə bu barədə araşdırma aparılmır”.
Qeyd edək ki, yoxa çıxan tələbələr barədə valideynləri məlumatlandırılıb. İşlə MTN-in müstəntiqlərinin məşğul olması barədə məlumatlar var. MTN-in mətbuat xidmətinə  telefon açsaq da, dəstəyi kimsə qaldırmadı.

Fərahim İLQAROĞLU

528 dəfə baxılıb

[12.02.2012] - MAŞIN USTALARI SEVİNİR, SIĞORTA ŞİRKƏTLƏRİ AĞLAYIR

[12.02.2012] - ORDUDA DAHA BİR MÜƏMMALI ƏSGƏR ÖLÜMÜ

[12.02.2012] - BİLƏCƏRİDƏN BU YANA...

[12.02.2012] - ƏHALİNİN QAZINI, İŞIĞINI KƏSƏN HÖKUMƏT BOMJLARA SIĞINACAQ DÜZƏLDİR

[12.02.2012] - BAKI MERİNİN DUZ MAXİNASİYASI

[12.02.2012] - DƏMİRYOL VAĞZALINDA BİLET QITLIĞI YARANIB

[12.02.2012] - MÜXALİFƏTÇİ GƏNCLƏR QAR TƏMİZLƏMƏ AKSİYASI KEÇİRƏCƏKMİ?

[12.02.2012] - MƏMURLAR EVLƏRİNİ MÜHAFİZƏ ÜÇÜN PİTBULL SAXLAYIR

[12.02.2012] - SƏHİYYƏ NAZİRİ RÖVNƏQ ABDULLAYEVİN ADAMLARINI İŞDƏN QOVDU

[12.02.2012] - ÖVLADINIZI DÖYMƏYİN, SİZİ TUTA BİLƏRLƏR

[12.02.2012] - NAZİRDƏN AĞIR TONNAJLI QADAĞA

[12.02.2012] - METRONUN ÜSTÜNDƏKİ QAZINTI DAYANDIRILDI

[11.02.2012] - 8 XULQANIN POLİSLƏRƏ HÜCUMU İLƏ BAĞLI DİN-dən BƏYANAT

[11.02.2012] - “BAKIDA İNSANLAR YERƏ TÜPÜRMƏYİ ADƏT EDİB”

[11.02.2012] - “QANUNİ OĞRU”lar VƏ “LOTU”lar HAQDA MARAQLI MƏLUMATLAR

[11.02.2012] - “ƏGƏR MƏNƏ İNANMIRSINIZSA, GEDİN ASFALTI YALAYIN”

[11.02.2012] - QAR PAYTAXTDA YENƏ PROBLEM GƏTİRDİ

[11.02.2012] - NEFT DAŞIYAN YÜK QATARININ QƏZAYA UĞRAMASI SƏBƏBİ ARAŞDIRILIR

[11.02.2012] - BAKI AVTOVAĞZALINDA HƏRC-MƏCLİK

[11.02.2012] - RAİL RZAYEVİN QƏTLİNDƏN 3 İL KEÇDİ

ARXIV