TİKİNTİ MALLARI BAZARINDA SÜNİ BAHALAŞMA

	06 sentyabr 2010


Onlayn ictimai-siyasi qəzet

Ölkə

TİKİNTİ MALLARI BAZARINDA SÜNİ BAHALAŞMA

Gömrükdəki qeyri-rəsmi rüsumun iki dəfə qaldırılması yeni qiymət artımına gətirib

May ayından başlayaraq tikinti materialları bazarında xüsusi aktivlik hiss olunur. Həm müvəqqəti olaraq fəaliyyətini dayandırmış tikinti şirkətlərinin işlərini bərpa etməsi, həm də fərdi sektorda tikinti işlərinin getməsi material bazarında yaranan canlanmanın səbəbi hesab edilə bilər.

Lakin qeyd etmək lazımdır ki, bazarda yaranan bu aktivlik qiymətlərin artmasına da təsirsiz ötüşməyib. Əsas bahalaşma özünü idxal olunan dəmir məmulatlarında göstərib ki, bunu da bilavasitə dünya bazarında neftin bahalaşması ilə əlaqələndirmək olar. Eyni zamanda yerli dəmir məmulatları istehsalı bazarında da yuxarıda sadalanan səbəblərlə bağlı qiymət artımı müşahidə olunur. Belə ki, 38 adda məhsuldan 14-ü üzrə qiymət artımı baş verib. Digər tikinti materiallarının qiyməti hələlik sabit qalıb.
Deyilənlərlə bağlı dünən Dərnəgüldəki inşaat materialları bazarında olduq. Söhbətləşdiyimiz satıcılar bildirdi ki, mövsümlə əlaqədar hər il yayda tikinti bazarında bahalaşma müşahidə edilir. Satıcı Arif Baxşıyevin sözlərinə görə, bahalaşma əsasən dəmir məmulatlarının qiymətlərində qeydə alınıb: “Bazarda bahalaşma əsasən martın sonlarında başlayıb və özünü dəmir məmulatlarında və kafel-metlaxın qiymətlərində göstərib. Son aylar armaturun qiyməti təxminən 40-45 faiz artıb. Kafel-metlaxın kvadratmetrinin qiyməti isə təxminən 1 manat bahalaşıb. Yapışdırıcıların qiymətində isə dəyişiklik yoxdur. İnşaat mövsümü ilə əlaqədar taxtanın, mişar daşının da qiyməti bir qədər artıb. Qaradağ daşı 10 qəpik bahalaşıb”.
Santexnika məhsulları nisbətən bahalaşıb. Satıcılar deyir ki, dəmir məmulatlarının bahalaşmasına səbəb iranlı tacirlərin bu məhsula olan tələbatı ilə bağlıdır: “Son vaxtlar bazara müştərilər əsasən İrandan gəlir. Son aylar Bakıdan İrana xeyli dəmir daşınıb. Bu da istər-istəməz bahalaşma yaradır. O ki qaldı son aylar kafel-metlaxın bahalaşmasına, bu, daxili tələbatla bağlıdır”.
Mütəxəssislər isə ölkədə tikinti işinin canlanması ilə əlaqədar yaxın aylarda inşaat materiallarının bir qədər də bahalaşacağını istisna etmir. Bəzi məlumatlara görə, bahalaşma ölkəyə gətirilən inşaat materiallarına gömrük-keçid məntəqələrində tətbiq edilən rüsumun qeyri-rəsmi şəkildə artırılması ilə bağlıdır. Əldə etdiyimiz məlumata görə, son aylar gömrükdə kafel-metlaxa görə tələb olunan qeyri-rəsmi rüsum iki dəfə artırılıb.

MƏHƏBBƏT

322 dəfə baxılıb

[06.09.2010] - BAYRAQ MEYDANINDA İKİ MÜƏMMALI HADİSƏ...

[06.09.2010] - ACLIQ EDƏN UCARLI ÖLÜM AYAĞINDADIR

[06.09.2010] - VAHİD MƏKTƏBLİ FORMASI TƏLƏBİ QANUNSUZDUR

[06.09.2010] - NARAZI SAHİBKARLAR NƏQLİYYAT NAZİRLİYİNƏ YÜRÜŞ EDƏCƏK

[06.09.2010] - VƏTƏNDAŞIN NAMİZƏDLİYİ HANSI HALLARDA QEYDİYYATA ALINMAYA BİLƏR?

[06.09.2010] - “NEFT PAYIMIZI VERİN!..”

[06.09.2010] - GƏNCƏNİN 2504 İLLİYİNƏ HAZIRLIQ GÖRÜLÜR

[06.09.2010] - NARDARANLILAR NƏQLİYYAT NAZİRLİYİ QARŞISINDA AKSİYAYA HAZIRLAŞIR

[06.09.2010] - “SOYADLARIN MİLLİLƏŞDİRİLMƏSİNƏ MANE OLANLAR MİLLƏTLƏ DÜŞMƏNÇİLİK EDİR”

[06.09.2010] - ÖLÜMDƏN QURTULAN BALACA AYSELİN MÜDHİŞ HEKAYƏTİ “YENİ MÜSAVAT”da