Ölkə BAKI ONKOLOJİ DİSPANSERİ BAĞLANIR? 2010-09-02 Xəstəxananın bağlandığını eşidən personal aksiya keçirməyə cəhd etdi

Bakı şəhər, Nəsimi rayonunda yerləşən A.T.Abbasov adına şəhər onkoloji dispanseri bağlanır. Bu barədə xəstəxananın tibb heyəti ANS-ə şikayətində bildirib. 30-40-cı illərdən fəaliyyət göstərən dispanserin bağlanma məsələsi üç gündür aktuallaşıb. Dispanserin işçiləri buna görə narahat olub və etiraz aksiyası keçirmək istəyib. Lakin Nəsimi Rayon Polis İdarəsinin (RPİ) əməkdaşları aksiyaya imkan verməyib. Dispanserin işçiləri dərdlərini hadisə yerinə gedən kimi jurnalistlərlə bölüşüb.

“Dispanserin bağlanmasını 3 gündür bildiriblər. Hələlik işçilərin köçürülmə söhbəti yoxdur. Sadəcə deyirlər ki, müəyyən vaxtdan sonra sizi harasa göndərəcəyik. Bu da başımızı aldatmaq üçün deyilən boş sözlərdir. İndi mən harada işləyə bilərəm?” - deyə 30 ildir dispanserdə tibb bacısı işləyən Səmayə Əliyeva deyib.
Qeydiyyat şöbəsində çalışan Qızqayıt Quliyeva ildə bura 3-4 min xəstənin müraciət etdiyini və qeydiyyata durduğunu deyib: “Ölkə üzrə bütün ağır xəstələr bura müraciət edir. Hazırda da burada xəstələr yatır. Xəstəxana bağlananda xəstələrin aqibətinin necə olacağı da məlum deyil”.
Dispanserin baş həkimi Şahbaz Hənifəyev ANS-ə açıqlamasında xəstəxananın bağlanması haqda heç bir əmrin olmadığını dedi: “Xəstəxana bərbad vəziyyətdədir. Başqa xəstəxanalar da müvəqqəti olaraq təmirə bağlanır və təmirdən sonra işçilər yenidən işinə davam edir. O ki qaldı bizim xəstəxanaya, bu barədə dəqiq heç nə deyə bilmərəm. Çünki xəstəxananın bağlanması haqda heç bir əmr, məndə isə bu barədə heç bir məlumat yoxdur. Amma dəqiq bilirəm ki, bura bağlansa, tibb mərkəzi olacaq. Bizdə 318 işçi var. Onların hamısı işlə təmin olunacaq. Hələlik heç bir işçiyə işdən çıxması deyilməyib. Mən baş həkiməm və bu sözü deməli olsam, mən deməliyəm. Mən də onlara belə söz deməmişəm. Xəstəxana əvvəlki qaydada işləyir, lakin əmrdən sonra vəziyyət necə olacaq, bunu bilmirəm. Bu barədə səhər iclas zamanı bütün işçilərə də demişəm”.
Baş həkimin sözlərinə görə, xəstəxana binası təmirsizdir. Bu səbəbdən ola bilsin ki, bura təmirə dayansın. Amma hələlik bu barədə baş həkimdə dəqiq heç bir məlumat yoxdur. Dispanser isə Bakı Şəhər Baş Səhiyyə İdarəsinə tabedir. Dispanserin görünüşünə gəlincə, baş həkim tərəddüddən sonra xəstəxananın bir hissəsində çəkilişə icazə verib. Bu zaman da məlum olub ki, binanın həqiqətən də təmirə ehtiyacı var.
Bakı Şəhər Baş Səhiyyə İdarəsindən ANS-ə xəstəxananın bağlanması barədə sərəncam olmadığı deyilib. İdarədən onu da bildiriblər ki, əgər xəstəxana bağlansa, orada çalışanlar mütləq işlə təmin olunacaq. Xəstələr isə müvafiq tibb mərkəzlərinə köçürüləcək. Amma dispanserin bağlanması ilə bağlı heç bir rəsmi göstəriş verilməyib.

Xəbər xidməti

1290 dəfə baxılıb

[12.02.2012] - ORDUDA DAHA BİR MÜƏMMALI ƏSGƏR ÖLÜMÜ

[12.02.2012] - SƏHİYYƏ NAZİRİ RÖVNƏQ ABDULLAYEVİN ADAMLARINI İŞDƏN QOVDU

[12.02.2012] - NAZİRDƏN AĞIR TONNAJLI QADAĞA

[11.02.2012] - 8 XULQANIN POLİSLƏRƏ HÜCUMU İLƏ BAĞLI DİN-dən BƏYANAT

[11.02.2012] - “BAKIDA İNSANLAR YERƏ TÜPÜRMƏYİ ADƏT EDİB”

[11.02.2012] - “QANUNİ OĞRU”lar VƏ “LOTU”lar HAQDA MARAQLI MƏLUMATLAR

[11.02.2012] - “ƏGƏR MƏNƏ İNANMIRSINIZSA, GEDİN ASFALTI YALAYIN”

[11.02.2012] - QAR PAYTAXTDA YENƏ PROBLEM GƏTİRDİ

[11.02.2012] - NEFT DAŞIYAN YÜK QATARININ QƏZAYA UĞRAMASI SƏBƏBİ ARAŞDIRILIR

[11.02.2012] - BAKI AVTOVAĞZALINDA HƏRC-MƏCLİK

[11.02.2012] - RAİL RZAYEVİN QƏTLİNDƏN 3 İL KEÇDİ

[11.02.2012] - BAKI ZOOPARKINDA HEYVANLAR İSTİ YERLƏRƏ KÖÇÜRÜLÜB

[11.02.2012] - QARLI HAVADA İQTİSADİYYATIMIZ GÜNDƏ 24 MİLYON MANAT İTİRİR

[11.02.2012] - DAHA BİR ADAM DONVURMADAN ÖLDÜ

[11.02.2012] - BÖLGƏLƏR DƏ DONUR

[11.02.2012] - BAKIDA İKİ DƏHŞƏTLİ AİLƏ ZORAKILIĞI

[11.02.2012] - «EUROVİSİON-2012» ÜÇÜN 63 MLN. DOLLAR AYRILACAQ

[10.02.2012] - AZƏRBAYCANDA ZƏLZƏLƏ OLUB

[10.02.2012] - ZÜLFÜQARLILARIN MƏHKƏMƏSİNDƏ LERİKLİ ÇOBANIN VİDEOETİRAFI MÜZAKİRƏ EDİLDİ

[10.02.2012] - MƏHKƏMƏ ZEYNƏB XANLAROVANIN BACISI OĞLUNUN ŞİKAYƏTİNİ TƏMİN ETMƏDİ

ARXIV