Ölkə SABİQ MÜAVİNİNDƏN İCRA BAŞÇISINA ŞOK İTTİHAMLAR 2010-09-03 Oğuzun icra başçısı tarixi abidəni pulla alıbmış; Aydın Əlihüseynov keçmiş müavininin ittihamlarını təsdiq edib

Oğuzun icra başçısı Aydın Əlihüseynovun keçmiş müavini Yaqub Abbasov vesti.az-a məktub yazıb. Keçmiş müavini Aydın Əlihüseynovun icra başçısı vəzifəsinə təyin olunduğu gündən dövlət büdcəsi hesabına şəxsi maraqlarını təmin etdiyini qeyd edib.

Yaqub Abbasov konkret faktlara toxunaraq Aydın Əlihüseynovun rayonda yerləşən dövlətə məxsus qonaq evini, gölü ələ keçirməsindən söz açır: “Aydın Əlihüseynov bu qədər sərvəti ələ keçirsə də, dayanmadı. Regionun tarixi abidəsinə də əl qoydu. Orta əsrlərdə Şəkinin işğalçılardan qorunmasında istifadə olunan əsas qalalardan biri, Oğuzun Aydınbulaq kəndində yerləşən Ağcaqala qalasını altındakı torpaqla birgə aldı. Həmin 5 hektar torpaq sahəsində alma bağı saldırdı. 8-13-cü əsrlərə aid arxitektur-tarixi Ağcaqala qalasının yaxınlığında Aydın Əlihüseynov fəhlələr üçün bir ev də tikdirib”.
Vesti.az-ın əməkdaşı dövlətin qoruduğu orta əsrlərə aid tarixi-arxitektur abidəni bir məmurun necə almasını aydınlaşdırmaq üçün Aydın Əlihüseynovun özü ilə əlaqə saxlayıb. Maraqlıdır ki, Aydın Əlihüseynov keçmiş müavinin dediklərini təkzib etməyib: “Mən həmin ərazini icra başçısı təyin olunmazdan əvvəl almışam. Oranı alanda tarixi-arxitektur abidə pis vəziyyətdə idi. Daşlarını camaat daşıyıb tikintilərdə işlədirdi. Mən oranı alandan sonra buna imkan vermədim. Mədəniyyət və turizm nazirinin müavini Ədalət Vəliyevlə razılığa gəldim ki, qalanı öz hesabıma restavrasiya edim. Sonra icra başçısı təyin olundum. Bağı işlətməyi oğluma həvalə elədim. Alma bağında hazırda 40 nəfər işləyir”.
Aydın Əlihüseynov tarixi abidənin restavrasiyasını həyata keçirəcəyinə də söz verib.
Y.Abbasov vesti.az-a Ağcaqala qalasının hazırkı vəziyyətini əks etdirən fotoları da təqdim edib. Həmin fotolarda tarixi-arxitektur abidənin yaxınlığında başçının fəhlələrə tikdirdiyi evlə məsafəsinin həddindən artıq az olduğu da açıq-aydın görünür. Maraqlıdır ki,  Mədəniyyət və Turizm Nazirliyinin rəsmiləri məsələ ilə bağlı şərh verməyiblər.
Y.Abbasov qəzetimizə açıqlamasında vesti.az-a yazdıqlarını təsdiqləyib, yaxın günlərdə Bakıya gələrək əlavə açıqlamalar verəcəyini də deyib.

E.QƏDİMOV

3162 dəfə baxılıb

[13.02.2012] - “GƏNCLƏR KLUBU”nun QURULTAYI KEÇİRİLDİ

[13.02.2012] - 11 YAŞLI QIZININ ÜMİDİNƏ QALAN QARABAĞ ƏLİLİ

[13.02.2012] - BU GÜN HAVA 5 DƏRƏCƏYƏDƏK İSİNƏCƏK

[13.02.2012] - MÜSAVATIN VƏ YA İCTİMAİ PALATANIN YUBİLEY TƏDBİRİ KEÇİRƏCƏYİ İSTİSNA DEYİL

[13.02.2012] - İCRA BAŞÇISI İLƏ SAHİBKARIN 3 MƏHKƏMƏ ÇƏKİŞMƏSİ OLACAQ

[13.02.2012] - FORMADA OLMAYAN POLİS HAKİMİYYƏT NÜMAYƏNDƏSİ SAYILMIR

[13.02.2012] - ZƏLİMXAN MƏMMƏDLİYƏ CİNAYƏT İŞİ AÇILMASI TƏLƏBİ

[13.02.2012] - NAZİR-OLİQARXIN “AT GEDİŞİ”

[13.02.2012] - NATO-dan TÜRKİYƏYƏ QARŞI ETİNASIZLIQ?

[13.02.2012] - “SEVGİLİLƏR GÜNÜ” LƏĞV EDİLSİNMİ?

[13.02.2012] - TÜRKANIN ŞƏHƏRLƏ ƏLAQƏSİ KƏSİLİB

[13.02.2012] - HACI İLQAR XOCALI SOYQIRIMINDAN DANIŞDI

[13.02.2012] - “EUROVİSİON” TƏMSILÇİMİZ BƏLLİ OLDU

[12.02.2012] - MAŞIN USTALARI SEVİNİR, SIĞORTA ŞİRKƏTLƏRİ AĞLAYIR

[12.02.2012] - ORDUDA DAHA BİR MÜƏMMALI ƏSGƏR ÖLÜMÜ

[12.02.2012] - BİLƏCƏRİDƏN BU YANA...

[12.02.2012] - ƏHALİNİN QAZINI, İŞIĞINI KƏSƏN HÖKUMƏT BOMJLARA SIĞINACAQ DÜZƏLDİR

[12.02.2012] - BAKI MERİNİN DUZ MAXİNASİYASI

[12.02.2012] - DƏMİRYOL VAĞZALINDA BİLET QITLIĞI YARANIB

[12.02.2012] - MÜXALİFƏTÇİ GƏNCLƏR QAR TƏMİZLƏMƏ AKSİYASI KEÇİRƏCƏKMİ?

ARXIV