Ölkə ÖLÜMDƏN QURTULAN BALACA AYSELİN MÜDHİŞ HEKAYƏTİ “YENİ MÜSAVAT”da 2010-09-06 Müalicə həkimi Həmzə Əzizbəyov: “Yardım etmək istəyənlər ona qan versin...”

Aysel adlı balaca qızcığazın həyat hekayətini bizə oxucularımız danışdı. Aldığımız məlumata görə, 8 ay öncə Bərdə şəhərində baş verən yanğın zamanı 13 yaşlı Sadıqova Aysel ağır bədən xəsarəti alıb, bədəninin 60-65 faizi yanıb. Elə həmin yanğında da Aysel anasını itirib. Atası isə uzun müddətdir ki, həbsdədir. Ata-anası olmayan bu qızcığaza yaxınları da yardım əli uzatmayıb. Yardım etmədikləri azmış kimi, ona ayrılan maddi yardımlar da qohumları tərəfindən mənimsənib. Hazırda Aysel Bakıdakı 5 saylı Kliniki Xəstəxananın yanıq şöbəsində yatır. Ayselin durumunu, qayğılarını öyrənmək üçün xəstəxanaya yollandıq.

Xəstəxananın yanıq şöbəsinin müdiri Həmzə Əzizbəyovdan xəstənin vəziyyəti haqqında soruşduq: “Aysel müəyyən müddət Bərdədə müalicə aldıqdan sonra ağır vəziyyətdə dərin yanıq xəsarəti ilə xəstəxanamıza gətirilib. Aparılan müalicə nəticəsində vəziyyəti düzəlib, 2 dəfə dəri köçürülmə əməliyyatı icra olunub. Bədənin müxtəlif yerlərində müəyyən miqdarda yaralar qalıb. Bir neçə ay əvvəl müalicə müddətində xəstəni çimmək üçün yaxınları evə apardı, lakin xəstəxanaya gətirmədilər. Bərdə rayon hüquq- mühafizə orqanlarından bizə sorğu gələn zaman onlara yazmışdım ki, xəstəni aparıblar, amma gətirməyiblər. Onların apardığı əməliyyatlar zamanı məlum oldu ki, xəstəni Bakıda saxlayıblar. Uzun sürən araşdırmalar nəticəsində onu xəstəxanaya qaytardılar. Bu müddətdə Ayselin vəziyyəti yenidən ağırlaşmış və baxımsız qalmışdı. Təkrar yanıq üzülməsinə düşmüşdü, yaraların sağalmış vəziyyəti geriləmişdi. Aparılan kompleks müalicələr zamanı vəziyyəti yenidən yaxşılaşıb. Hazırda yaralar yenidən əməliyyata hazırlanır, vəziyyəti xeyli yaxşılaşıb”.
Şöbə müdiri bildirdi ki, xəstəxananın maddi yardıma ehtiyacı yoxdur: “Ötən həftə 2 qeyri-hökumət təşkilatından bizə yardım gəlib. Bir neçə nəfər Ayselə köçürülmə üçün qan verib. Xəstənin qan qrupu ”01+"dir. Amma qan qrupunun hansı olmasından asılı olmayaraq hər kəs qan verə bilər. Biz donorların qanını başqa qan qrupları ilə dəyişdiririk. Xəstəxana üçün maddi yardıma ehtiyac yoxdur, çünki biz bütün zəruri yardımları göstəririk. Dərmanları və yeməyi xəstəxana verir. Kim yardım etmək istəsə, qan versin..."
Ayselin vəziyyəti və edilən yardımlar haqqında xalası Gülnarə Xudiyevadan məlumat almağa çalışsaq da, heç bir yardım göstərilmədiyini bildirdi: “Biz Bərdədən Bakıya gələndə bir oğlan bizi qarşıladı və maddi cəhətdən kömək etdi. Ondan başqa heç kəsdən kömək gəlməmişdi. Bildiyim qədər, QHT-lərdən kömək gəlib, qan verilib, amma mən görməmişəm. Bir neçə gün əvvəl jurnalistlərdən biri gəlib maddi yardım etmişdi”.
Məsələ ilə bağlı 93 saylı Bərdə seçki dairəsindən deputat Zahid Orucla əlaqə saxladıq. Z.Oruc məsələdən xəbərdar olduğunu və yardım üçün bir çox təşkilatlarla əlaqə saxladığını bildirdi: “Bildiyim qədər, Ayselin vəziyyəti dünən televiziyalarda da göstərilib və məsələyə diqqət artıb. Ayselə kömək etmək istəyənlər onun qəyyumluğa götürən şəxsin xarakterik xüsusiyyətləri haqqında xeyli narahatçılıqlar olduğu üçün yardım barəsində mənimlə məsləhətləşmək istədilər. Məsələ ilə bağlı məlumat aldıqdan sonra xəstəxananın baş həkimi Ziya həkimlə ilə əlaqə saxladım. Xahiş etdim ki, Aysel üçün lazımi bütün addımlar atılsın. Ziya həkim isə xəstəyə yardımlar göstərildiyini bildirdi. Bir neçə QHT ilə əlaqə saxlamışam, onlar yardım üçün birinci gün xəstəxanaya gedəcəklər. Düşünürəm ki, Ayselə yardım üçün bank hesabı da açmaq olar. Xəstənin qəyyumluq məsələsinə gəlincə, ona kömək etmək istəyənlər var”.
Uşaq Hüquqlarını Müdafiə Liqasının sədri Yusif Bəkirzadə isə bu məsələdən xəbərdar olmadığını bildirdi: “Haqqında danışdığınız məsələ haqqında bizə heç kəs müraciət etməyib. Müraciət etmək istəyən belə olsa, biz bu haqda heç bir addım ata bilmərik, çünki bizim buna imkanımız çatmır. Məsələ ilə bağlı UNİCEF-ə müraciət etsəniz daha yaxşı olar. Azərbaycanın Uşaq Fondu da xəstənin vəziyyəti ilə bağlı yardım göstərə bilər. Əslində uşağın ata-anası yoxdursa ona dövlət yardım etməlidir".
Qeyd edək ki, biz xəstəxanada olduğumuz zaman bp neft şirkətinin əməkdaşlarından biri xəstəyə yardım məqsədilə bura təşrif buyurmuşdu.

Şahnaz NOVRUZQIZI

1985 dəfə baxılıb

[13.02.2012] - “GƏNCLƏR KLUBU”nun QURULTAYI KEÇİRİLDİ

[13.02.2012] - BU GÜN HAVA 5 DƏRƏCƏYƏDƏK İSİNƏCƏK

[13.02.2012] - MÜSAVATIN VƏ YA İCTİMAİ PALATANIN YUBİLEY TƏDBİRİ KEÇİRƏCƏYİ İSTİSNA DEYİL

[13.02.2012] - 11 YAŞLI QIZININ ÜMİDİNƏ QALAN QARABAĞ ƏLİLİ

[13.02.2012] - İCRA BAŞÇISI İLƏ SAHİBKARIN 3 MƏHKƏMƏ ÇƏKİŞMƏSİ OLACAQ

[13.02.2012] - FORMADA OLMAYAN POLİS HAKİMİYYƏT NÜMAYƏNDƏSİ DEYİL

[13.02.2012] - ZƏLİMXAN MƏMMƏDLİYƏ CİNAYƏT İŞİ AÇILMASI TƏLƏBİ

[13.02.2012] - NAZİR-OLİQARXIN “AT GEDİŞİ”

[13.02.2012] - NATO-dan TÜRKİYƏYƏ QARŞI ETİNASIZLIQ?

[13.02.2012] - “SEVGİLİLƏR GÜNÜ” LƏĞV EDİLSİNMİ?

[13.02.2012] - “QIZINMADIQ İSTİSİNƏ, KOR OLDUQ TÜSTÜSÜNƏ...”

[13.02.2012] - TÜRKANIN ŞƏHƏRLƏ ƏLAQƏSİ KƏSİLİB

[13.02.2012] - SOYUQLAR “QUL BAZARLARI”nın ÇÖRƏYİNİ KƏSİB

[13.02.2012] - BAKI FUNİKULYORU MAYDA İSTİFADƏYƏ VERİLƏCƏK

[13.02.2012] - HACI İLQAR XOCALI SOYQIRIMINDAN DANIŞDI

[13.02.2012] - “EUROVİSİON” TƏMSILÇİMİZ BƏLLİ OLDU

[12.02.2012] - MAŞIN USTALARI SEVİNİR, SIĞORTA ŞİRKƏTLƏRİ AĞLAYIR

[12.02.2012] - ORDUDA DAHA BİR MÜƏMMALI ƏSGƏR ÖLÜMÜ

[12.02.2012] - BİLƏCƏRİDƏN BU YANA...

[12.02.2012] - ƏHALİNİN QAZINI, İŞIĞINI KƏSƏN HÖKUMƏT BOMJLARA SIĞINACAQ DÜZƏLDİR

ARXIV