Ölkə ŞƏKİNİN SABİQ BAŞÇISI EV DUSTAĞI EDİLİB 2010-09-09 Nazim İbrahimovun yaxınları Mədəniyyət və Turizm Nazirliyindəki mənimsəmələrlə bağlı istintaqa cəlb olunub

Şəkinin sabiq icra başçısı Nazim İbrahimov ev dustağı edilib. Bu barədə “Yeni Müsavat”a məlumat verən qaynağımız deyir ki, aprelin 21-də vəzifəsindən uzaqlaşdırılandan sonra qeyri-rəsmi ev dustağı edilən keçmiş icra başçısının topladığı sərvəti əlindən alıblar.

“Qeyri-rəsmi yoxlayıcılar Nazim İbrahimovun təkcə Şəkidə müxtəlif yollarla ələ keçirdiyi 90-a yaxın ev və villa müəyyən edib. Ayrı-ayrı şəxslərin adına rəsmiləşdirilən bu mülklər Nazim İbrahimovdan alınıb. Ələ keçirilən əmlaklardan üçü Mədəniyyət və Turizm Nazirliyinin Şəki şəhər şöbəsinin balansında olub” - deyə qaynağımız bildirir.
Mənbə deyir ki, N.İbrahimovun qeyri-rəsmi araşdırmalardan sonra təkcə əmlakı deyil, vəzifədə olarkən əldə etdiyi külli miqdarda qızıl-zinət əşyaları, böyük məbləğdə pulları da əlindən alınıb. O, vəzifədə olarkən ilişkisi olan xeyli vəzifə sahibi də sorğu-suala çəkilib.
Baş Prokuror yanında Korrupsiyaya qarşı Mübarizə İdarəsi Şəki şəhər Mədəniyyət və Turizm Şöbəsinin vəzifəli şəxslərinin hərəkətlərində ağır nəticələrə səbəb olan vəzifə səlahiyyətlərindən sui-istifadə, vəzifə saxtakarlığı və onlara etibar edilmiş külli miqdarda dövlət əmlakının mənimsəmə və israf etməklə talama cinayətlərinin əlamətləri olduğundan toplanmış material üzrə fakta görə Cinayət Məcəlləsinin 179.3.2, 308.2 və 313-cü maddələri ilə cinayət işi başlayıb. İş üzrə istintaqa cəlb olunanlar sırasında N.İbrahimovun yaxın adamları da var. Sabiq icra başçısı Şəki şəhər Mədəniyyət və Turizm Şöbəsinin vəzifəli şəxsləri ilə sövdələşərək şöbənin balansında olan əmlakları həmin şəxslərin adına rəsmiləşdiribmiş. Redaksiyamıza daxil olan bu məlumatlar Baş Prokurorluğun Şəki şəhər Mədəniyyət və Turizm Şöbəsindəki korrupsiya cinayəti ilə bağlı yaydığı rəsmi açıqlamanın niyə natamam olmasına da aydınlıq gətirir. Xatırladaq ki, bir neçə gün əvvəl əməkdaşımız Şəkidə olaraq milyon yarımlıq korrupsiya cinayətini araşdırmışdı.

E.HÜSEYNOV

2533 dəfə baxılıb

[13.02.2012] - “EUROVİSİON” TƏMSILÇİMİZ BƏLLİ OLDU

[12.02.2012] - MAŞIN USTALARI SEVİNİR, SIĞORTA ŞİRKƏTLƏRİ AĞLAYIR

[12.02.2012] - ORDUDA DAHA BİR MÜƏMMALI ƏSGƏR ÖLÜMÜ

[12.02.2012] - BİLƏCƏRİDƏN BU YANA...

[12.02.2012] - ƏHALİNİN QAZINI, İŞIĞINI KƏSƏN HÖKUMƏT BOMJLARA SIĞINACAQ DÜZƏLDİR

[12.02.2012] - BAKI MERİNİN DUZ MAXİNASİYASI

[12.02.2012] - DƏMİRYOL VAĞZALINDA BİLET QITLIĞI YARANIB

[12.02.2012] - MÜXALİFƏTÇİ GƏNCLƏR QAR TƏMİZLƏMƏ AKSİYASI KEÇİRƏCƏKMİ?

[12.02.2012] - MƏMURLAR EVLƏRİNİ MÜHAFİZƏ ÜÇÜN PİTBULL SAXLAYIR

[12.02.2012] - SƏHİYYƏ NAZİRİ RÖVNƏQ ABDULLAYEVİN ADAMLARINI İŞDƏN QOVDU

[12.02.2012] - ÖVLADINIZI DÖYMƏYİN, SİZİ TUTA BİLƏRLƏR

[12.02.2012] - NAZİRDƏN AĞIR TONNAJLI QADAĞA

[12.02.2012] - METRONUN ÜSTÜNDƏKİ QAZINTI DAYANDIRILDI

[11.02.2012] - 8 XULQANIN POLİSLƏRƏ HÜCUMU İLƏ BAĞLI DİN-dən BƏYANAT

[11.02.2012] - “BAKIDA İNSANLAR YERƏ TÜPÜRMƏYİ ADƏT EDİB”

[11.02.2012] - “QANUNİ OĞRU”lar VƏ “LOTU”lar HAQDA MARAQLI MƏLUMATLAR

[11.02.2012] - “ƏGƏR MƏNƏ İNANMIRSINIZSA, GEDİN ASFALTI YALAYIN”

[11.02.2012] - QAR PAYTAXTDA YENƏ PROBLEM GƏTİRDİ

[11.02.2012] - NEFT DAŞIYAN YÜK QATARININ QƏZAYA UĞRAMASI SƏBƏBİ ARAŞDIRILIR

[11.02.2012] - BAKI AVTOVAĞZALINDA HƏRC-MƏCLİK

ARXIV