“BAKI” TOMAŞI HƏDƏLƏDİ | İdman

	12 fevral 2012


Onlayn ictimai-siyasi qəzet

İdman

“BAKI” TOMAŞI HƏDƏLƏDİ

2010-03-01

Yaşar Seyidov: “O, FİFA-ya şikayət etməklə özünə problem yaratdı”

“Bakı” bolqar futbolçusu Aleksandar Tomaşa başqa bir klubla müqavilə imzalamaq səlahiyyəti verməyib". Bu barədə klubun rəsmi saytına komandanın icraçı direktoru Yaşar Seyidov açıqlama verib.

“Bizim bu futbolçu ilə heç bir anlaşılmazlığımız yoxdur. Onun hərəkətləri bizi təəccübləndirir” - deyə Seyidov bildirib.
İcraçı direktor Tomaşın və onun transfer vərəqəsinin “Bakı”nın ixtiyarında olduğunu, futbolçunun FİFA-ya şikayət etməklə özünə problem yaratdığını deyib: “Tomaşla bağlı ölkə mətbuatında yayılan bəzi dəqiqləşdirilməmiş xəbərlər idman ictimaiyyətini yanılda bilər. Onun ”Bakı" ilə 30 iyun 2010-cu il tarixə qədər davam edən müqaviləsi var. Bu müqavilə qüvvədədir, ona heç bir əlavə və ya dəyişiklik edilməyib. Tomaş bizim oyunçumuzdur, o, klubumuzun icazəsi olmadan başqa klubla müqavilə imzalaya bilməz".
“Tomaş ”Bakı"nı qış fasiləsində, 2009-cu ilin dekabr ayının sonlarında tərk edib. Baş məşqçi Bülənt Qorxmaz bu futbolçunu komandanın 2010-cu il 5-17 yanvar tarixlərində Antalyada keçdiyi təlim-məşq toplantısına dəvət etməyib. Tomaş kluba müraciət edərək digər komandalarla məşq etmək barədə arzusunu bildirib və ona belə bir şərait yaradılıb.
Bolqar futbolçunun FİFA-ya müraciət etməsinə gəldikdə isə o, bu addımı ilə özü-özünə problem yaradıb. FİFA-nın Hüquq Departamentindən bu gün (dünən-red.) aldığımız sənədə görə, Tomaş “Bakı” klubu ilə müqaviləsi barədə yanlış məlumat verib. Müqaviləsi olduğu halda digər klubla sənəd imzalamaq onun peşəkar səviyyəsini şübhə altına alır. FİFA-dan olan həmkarlarımız da bu məntiqlə tam razı olduqlarını bildirilər" - deyə “Bakı”nın saytı yazır.

İdman şöbəsi

331 dəfə baxılıb