“QARABAĞ” AZƏRBAYCANI SEVİNDİRMƏKDƏ DAVAM EDİR

	06 sentyabr 2010


Onlayn ictimai-siyasi qəzet

İdman

“QARABAĞ” AZƏRBAYCANI SEVİNDİRMƏKDƏ DAVAM EDİR

Ağdam klubu “doğma meydan”, “səfər matçı” amili tanımır

Ağdamin “Qarabağ” klubu bütün Azərbaycanı, xaricdə yaşayan soydaşlarımızı sevindirməkdə davam edir. İyulun 29-da Avropa Liqasının üçüncü təsnifat mərhələsində Polşanın Krakov şəhərində yerli “Visla” komandası ilə qarşılaşan komandamız rəqiblə başabaş mübarizə apararaq minimal hesablı qələbə qazanıb – 1:0.

Qeyd edək ki, oyundan əvvəl hər kəs “Visla”nı matçın favoriti elan etmişdi. Hamı gözləyirdi ki, polyaklar asanlıqla 2:0, yaxud 3:0 hesabı ilə qalib gələcək, Bakıdakı cavab görüşündə isə meydana daha rahat çıxacaq. Ancaq “Qarabağ” proqnozları alt-üst etdi.
“Visla” ilə oyunun ilk dəqiqələrində bir qədər ehtiyatlı oynayan “Qarabağ” tezliklə vəziyyəti düzəltdi və rəqibə sübut etdi ki, Krakova “qapazaltı” olmağa gəlməyib. Ənənəvi olaraq polyaklarla zəif, inamsız oynayan milli komandamızdan və digər klub komandalarımızdan fərqli olaraq “Qarabağ” “Visla”ya mətanətlə dirəniş göstərdi.
Matçın birinci hissəsində meydan sahiblərinin qol vəziyyətləri vardısa, ikinci hissədə vəziyyət dəyişmişdi. “Qarabağ” daha yaxşı oynayırdı. Bunun nəticəsi 70-ci dəqiqədə gəldi. Rauf Əliyevin yerinə meydana çıxan hücumçumuz Vüqar Nadirov 7-8 saniyədən sonra, topa ilk toxunuşundaca hesabı açdı – 1:0.

Daha sonra “Qarabağ” heç də müdafiədə oturmadı, ardı-arası kəsilməyən hücumlara başladı. Əgər yarımmüdafiəçi və hücumçularımız bir qədər sərrast olsaydılar, “Qarabağ” ikinci, üçüncü, hətta dördüncü qolları da vura bilərdi. Əbran İsmayılov, Emin İmaməliyev, Georgi Adamiya, Samir Abbasov və başqaları fərqlənə bilərdilər.
Oyunun sonlarında “Visla” komandası azlıqda qaldı və “Qarabağ” say üstünlüyü də əldə etdi.
Oyunun 90-cı dəqiqəsində “Visla” komandası 11 metrlik cərimə zərbəsindən hesabı bərabərləşdirmək imkanı qazasa da, qapıçımız Fərhad Vəliyev topu geri qaytardı. Əks-hücuma keçən futbolçularımız qol vurmaq imkanı qazansalar da yenə fürsəti boşa verdilər.
Oyun bu hesabla başa çatdı.
Bakıda keçirilən cavab görüşündə komandamız meydana daha rahat çıxacaq və bu cür oyunla Tofiq Bəhramov adına stadiona gələn on minlərlə azarkeşi sevindirəcək.

musavat,com

1329 dəfə baxılıb

[06.09.2010] - "LİVERPUL" BORC İÇİNDƏ ÜZÜR

[06.09.2010] - TÜRKİYƏ MİLLİSİ 14 MİLYON QAZANA BİLƏR

[06.09.2010] - ŞVAYNSTAGER SABAH OYNAMAYA BİLƏR

[06.09.2010] - ALMANİYA-AZƏRBAYCAN MATÇI 11 ÖLKƏYƏ YAYIMLANACAQ

[04.09.2010] - BERTİ FOQTS VƏTƏNİNDƏ BİZDƏN DANIŞIB

[04.09.2010] - BELARUS FUTBOLÇULARI ADAMA 20 MİN AVRO İRƏLİDİR

[03.09.2010] - GÜNAH NƏ TOPDADIR, NƏ TOPÇUDA, QAPIÇIDADIR

[03.09.2010] - VİLYA RAULUN REKORDUNU QIRMAQ İSTƏYİR

[03.09.2010] - "BAKI" UEFA-ya ETİRAZINI BİLDİRDİ

[02.09.2010] - "ALTAY" FUTBOLÇUMUZU TRANSFER EDƏ BİLMƏDİ