RÖVNƏQ ABDULLAYEV DÖVLƏT BAŞÇISINA YALAN DEYİB

	30 iyul 2010


Onlayn ictimai-siyasi qəzet

İqtisadiyyat

RÖVNƏQ ABDULLAYEV DÖVLƏT BAŞÇISINA YALAN DEYİB?

Türkiyənin enerji naziri prezident Əliyevin açıqlamasına qəribə cavab verdi: “Ona yanlış məlumat veriblər”

Türkiyənin enerji naziri Taner Yıldız Azərbaycan prezidenti İlham Əliyevin Davosda ABŞ mətbuatına müsahibəsi zamanı iki ölkə arasında qazın qiymətinə dair verdiyi açıqlamalara anlaşılmaz reaksiya verib. Nazir deyib ki, prezident Əliyevə yanlış məlumat verilib və Türkiyə ilə Azərbaycan arasında qazın qiymətinə dair sıxıntı yoxdur.

Xəbər verildiyi kimi, İ.Əliyev Türkiyənin təklif etdiyi qiymətlərin və tranzit şərtlərinin Azərbaycanı qane etmədiyini, bu üzdən Azərbaycanın öz qazını digər marşrutlarla nəql edəcəyini və “Nabucco” kəməri layihəsinə ümidlərinin azadlığını deyib. Buna baxmayaraq Taner Yıldız deyib ki, İ.Əliyevin açıqlaması Türkiyə-Azərbaycan qaz danışıqlarındakı vəziyyəti əks etdirmir.
“Hesab edirəm ki, Əliyevə yanlış məlumat veriblər. Azərbaycandan məqbul və hər iki tərəfə sərfəli qiymətlərlə qaz almağa hazır olduğumuzu artıq çatdırmışıq. Mən Ankaraya səfəri zamanı ARDNŞ prezidenti Rövnəq Abdullayevlə görüşdüm, ona təklif etdiyimiz qiymətləri təqdim etdim. Sayın Əliyev Davosda mövcud qiymətlərlə davam edə bilməyəcəyimizi dedi, biz də eyni şeyi deyirik və onsuz da qazı həmin qiymətə almırıq. Bu məsələdə sıxıntı yoxdur” - deyə T.Yıldız jurnalistlərə açıqlamasında bildirib.
Xatırladaq ki, Türkiyə “Şahdəniz” yatağından hasil olunan qazın min kubmetrini əvvəllər 120 dollardan alıb. Lakin Türkiyə-Ermənistan yaxınlaşmasına cavab olaraq Bakı qiymətlərə yenidən baxmağa çağırıb və mətbuatda çıxan xəbərlərə görə, Azərbaycan qazın min kubmetri üçün Türkiyədən 250-300 dollar istəyir. Türkiyə ilə qaz danışıqlarını ARDNŞ prezidenti Rövnəq Abdullayev aparır və ötən il bir neçə dəfə onunla Türkiyənin BOTAŞ şirkəti, habelə enerji nazirliyi arasında danışıqlar olub. Türkiyəli nazirin hesab etdiyinə görə, məhz R.Abdullayev iki ölkə arasındakı qaz danışıqlarının gedişinə dair prezidenti düzgün məlumatlandırmır.

Siyasət şöbəsi

2113 dəfə baxılıb

[29.07.2010] - “bp AZƏRBAYCANDAKI PAYINI SATMIR”

[29.07.2010] - BANKLARI NECƏ XİLAS ETMƏK OLAR?

[29.07.2010] - PREZİDENTLƏR BİZNESLƏ MƏŞĞUL OLA BİLƏRMİ?

[29.07.2010] - İQTİSADİ TƏDQİQATLAR MƏRKƏZİNİN QHT-lərlə BAĞLI LAYİHƏSİ BAŞA ÇATDI

[28.07.2010] - AZƏRBAYCANDA KÖLGƏ İQTİSADİYYATI 63 FAİZDƏN ÇOXDUR

[28.07.2010] - bp-yə YENİ BAŞ DİREKTOR TƏYİN OLUNDU

[28.07.2010] - PAYIZDA ÇÖRƏK BAHALAŞACAQ

[28.07.2010] - “BEYNƏLXALQ BANKDA QƏRARLARIN VERİLMƏSİNƏ MALİYYƏ NAZİRİ TƏSİR EDİR”

[28.07.2010] - GİROVDA OLAN ƏMLAKLAR CİDDİ TƏHLÜKƏ ALTINDA

[28.07.2010] - RÖVNƏQ ABDULLAYEVLƏ BƏRZANİNİN 2 MİLYARDLIQ İŞ BİRLİYİ