KORRUPSİONERLƏR PULLARINI DAHA ÇOX AMERİKA BANKLARINDA SAXLAYIR

	15 mart 2010


Onlayn ictimai-siyasi qəzet

İqtisadiyyat

KORRUPSİONERLƏR PULLARINI DAHA ÇOX AMERİKA BANKLARINDA SAXLAYIR

Senatın Milli Təhlükəsizlik Komitəsinə bu barədə məxfi hesabat təqdim edildi

Xarici korrupsionerlər və diktatorlar öz pullarını rahat şəkildə Amerika banklarındakı hesablarında “yuyurlar”. Bu barədə ABŞ Senatının Milli Təhlükəsizlik Komitəsinin araşdırmalar üzrə alt komitəsinə təqdim edilmiş məxfi hesabatda deyilir. Komitənin sədri Karl Levin bildirib ki, banklar son zamanlar bu cür çirkli hesabları getdikcə daha çox bağlayır, lakin Amerika maliyyə sistemində korrupsionerlərin pullarının banklara axmasına imkan yaradan kifayət qədər mexanizm var.

Senator deyib ki, aparılan araşdırmalar nəticəsində şok faktlar ortaya çıxıb. Belə ki, xarici ölkələrdən olan korrupsioner siyasi xadimlər və onların ailə üzvləri vəkillərin, lobbiçilərin, bankirlərin və cürbəcür agentlərin köməyi ilə Birləşmiş Ştatların antikorrupsiya qanunlarından yan keçə bilir. Senator Levin deyib ki, buna misal olaraq Ekvatorial Qvineyanın prezidenti Teodor Nqema Obianq Manqenin oğlunun ABŞ-dakı banklardan birinin hesabına 110 milyon dollar köçürməsini, Kaliforniya ştatının kurort şəhəri Malibuda 30 milyon dollara villa, həmçinin 38.5 milyon dollara reaktiv təyyarə almasını göstərmək olar.
Senatorun bildirdiyinə görə, Qabonun keçmiş prezidenti Ömər Bonqonın qızının Nyu York bankındakı hesabı dondurulub. Məlum olub ki, vaxtilə onun atası hakimiyyətdə olanda diplomatik toxunulmazlıq statusundan istifadə edərək ABŞ-a 1 milyon dollar nəğd pul gətirib və onu bankın depozit seyfində yerləşdirib. Bu məbləğ 100 dollarlıq şəklində saxlanıb. Hesabatda Nigeriyanın keçmiş vitse-prezidenti Atiku Abubakarın dördüncü arvadı, ABŞ vətəndaşı Ceniffer Duqlasın da adı keçir. O, ərinə müxtəlif Amerika banklarında 40 milyon dollar yerləşdirməkdə kömək edib. Bu pulların 25 milyon dolları müxtəlif offşor şirkətlər vasitəsilə onun tərəfindən açılan 30-a yaxın bank hesabında yerləşdirilib. Hesabatda o da bildirilir ki, “Bank of Amerika” 1999-2003-cü illər ərzində Anqoladan silah alverçisi kimi tanınan biznesmen Pyer Falkonun çoxsaylı şübhəli pul köçürmələrinə heç bir diqqət yetirməyib.
Dünən bu sensasion hesabatla bağlı Senatın Milli təhlükəsizlik və hökumət işləri üzrə komitəsində xüsusi dinləmələrin keçiriləcəyi gözlənilirdi. Dinləmələrdə çıxış etmək üçün ABŞ-ın bir sıra hökumət və maliyyə qurumlarının nümayəndələri dəvət olunub. Qeyd edək ki, Azərbaycandan da yüksək rütbəli korrupsioner məmurların öz pullarını xarici banklarda yumasına dair çoxsaylı məlumatlar var. Bu məmurların əsasən İsveçrə və Amerika banklarından istifadə etdiyi də məlumdur. Pullar müxtəlif lobbi şirkətlərinin və offşor şirkətlərin, habelə muzdlu agentlərin vasitəsilə bu banklarda yerləşdirilir, qiymətli kağızlara yatırılır və onların hesabına dəbdəbəli villalar alınır. Bu cür məlumatlardan birinə görə, beynəlxalq maliyyə dövriyyəsindən o qədər də baş çıxarmayan məmurlar keçmiş iqtisadi inkişaf naziri Heydər Babayevin məsləhətləri əsasında vaxtilə öz pullarını bir sıra iri Amerika və Avropa banklarında yerləşdirməklə bərabər qiymətli kağızlara da yatırmışdı. Qlobal maliyyə böhranı başlayanda bu məmurlar qısa müddət ərzində iri məbləğlərdə pullar itirmişdilər.

Siyasət şöbəsi

310 dəfə baxılıb

[15.03.2010] - AVROPA XƏZƏR SARIDAN NARAHATDIR

[15.03.2010] - “TOYOTA”nı ÇÖKDÜRƏ BİLƏRLƏR

[14.03.2010] - 9 GÜNLÜK BAYRAM TƏTİLİ HARAMIZA YARAŞIR...

[14.03.2010] - “PREZİDENTƏ YALAN MƏLUMAT VERİLİB”

[14.03.2010] - FÜZULİ ƏLƏKBƏROV 50 MİLYON MANATI “TAPIB”

[14.03.2010] - MURDAR ƏTDƏN DÖNƏR SATIŞI DAVAM EDİR

[14.03.2010] - BİZDƏ İŞIQPULUNU VERMƏYƏNİ AĞACA BAĞLAYIB DÖYÜRLƏR

[13.03.2010] - HÖKUMƏTİMİZ 4 MİLYARDIN İZİNİ İTİRİB!

[13.03.2010] - İŞ ADAMLARI İQTİSADİ REPRESSİYAYA MƏRUZ QOYULUR

[13.03.2010] - ZİYA MƏMMƏDOV ONLARLA ADAMI ÇÖRƏKSİZ QOYUR