DƏNİZÇİLƏRİMİZ XARİCDƏ DİLƏNMƏYƏ MƏCBUR OLURLAR

	13 fevral 2012


Onlayn ictimai-siyasi qəzet

İqtisadiyyat

DƏNİZÇİLƏRİMİZ XARİCDƏ DİLƏNMƏYƏ MƏCBUR OLURLAR

2010-03-06

Aydın Bəşirovun sözlərinə görə, işləmək üçün xaricə gedən Azərbaycan dənizçilərinin bəzən geri qayıtmağa pulları olmur

Azərbaycan Dövlət Xəzər Dəniz Gəmiçiliyinin (XDG) rəisi Aydın Bəşirov azərbaycanlı dənizçilərin xarici sularda üzləşdikləri problemlər və bu problemləri doğuran səbəblərlə bağlı maraqlı faktlar açıqlayıb. APA-nın məlumatına görə, A. Bəşirob bu gün keçirdiyi mətbuat konfransında bildirib ki, Bakıda bəzi adamlar Xəzər Dəniz Gəmiçiliyinin, yaxud ARDNŞ-in gəmiçiliyinin yan yörəsində gəzir, dənizçilərimizi tovlayıb xaricə aparırlar. “Nəticədə işlədikləri şirkətlərdən işə düzəltmə müqabilində faiz alırlar. Azərbaycan dənizçiləri xaricə yüksək maaş adı ilə gedirlər, amma ciblərindəkini də orada qoyub qayıdırlar”, - deyə A. Bəşirov vurğulayıb.

Gəmiçilik rəisinin sözlərinə görə, xaricə işləməyə gedən dənizçilər orada 3 aylıq müqavilə bağlasalar da, onları 5-6 ay işlədir, 3 ayın pulunu verirlər. Onların çoxunu isə elə gəmilərə göndərirlər ki, həmin gəmilərin sahibləri bəlli olmur: “Məsələn, gəmi Malta və ya Banqladeş bayrağı altında üzür, sahibi isə Türkiyədə, İtaliyada, yaxud digər ölkədədir. Sonda çox zaman dənizçilərin gəmi şirkətlərinin sahiblərini məhkəməyə vermələrinin də nəticəsi olmur”.

Xaricə gedənlərə bəzən nəinki maaş, heç geri qayıtmağa belə pul verilmədiyini qeyd edən A. Bəşirov İtaliyada, Sinqapurda geri qayıtmağa pul toplamaq üçün dənizçilərin bəzən dilənmək məcburiyyətində qaldıqlarını deyib: Â«Bir il əvvəl 35 yaşlı dənizçi getdi xaricdə işləməyə, meyiti gəldi. O qədər olub ki, gəmilərdə özlərini asıblar, çoxundan heç xəbəriniz yoxdurÂ».

A. Bəşirov bir çox azərbaycanlı dənizçinin xarici gəmilərdə saxta diplomlarla işlədiyini də qeyd edib: “Bəzən xaricə saxta diplomlarla gedirlər. Motorçu hardansa, Batumidən, Ukraynadan 5-6 min dollar verib diplom alır və baş mexanik kimi çalışır. Ya bosmandır, ya matros, amma sertifikat alıb, gəmidə kapitan işləyir. Mən elələrini çox tanıyıram. Elə gəmi var ki, heyət iki yerə bölünüb. Heyətin 70%-i azərbaycanlılar, qalanı ukraynalılar və digər millətlərdir. Kapitan bilmir, fırtınada gəmini necə qorusun”.

XDG rəisi hazırda rəhbərlik etdiyi qurumda boş iş yerlərinin olduğunu, mütəxəssislərə ehtiyac duyulduğunu, işçilərə isə xaricdəkindən yüksək əməkhaqqı verdiklərini qeyd edib. A. Bəşirovun sözlərinə görə, Azərbaycanda gəmiçinin əməkhaqqı orta hesabla 1000 manata yaxındır. Daxili sularda üzən dənizçilər 3 gündən bir ailəsinin yanında olur, həmçinin təqaüdə çıxdıqda yaxşı pensiya alırlar: Â«İndi başqa variant tapıblar. Gedib xaricdə işləyir, son 3 ili isə XDG-də işləyib buradan pensiyaya çıxmağa çalışırlar. Bu gün XDG-də bütün sahələr üzrə vakant iş yeri var. Gəlsinlər işləməyə, yaxşı sənətkardırlarsa, işə götürəcəyik. Saxta diplomlular isə işə götürülməyəcək. Çünki onlar gündə bir gəmini batıracaqlar”.

Xəbər xidməti

896 dəfə baxılıb