AZƏRBAYCANDAKI BANKLARIN SAYI 20-yə ENDİRİLƏCƏK

	13 fevral 2012


Onlayn ictimai-siyasi qəzet

İqtisadiyyat

AZƏRBAYCANDAKI BANKLARIN SAYI 20-yə ENDİRİLƏCƏK

2010-03-06

Mərkəzi Bank banklara bir il vaxt verdi

“Azərbaycanda 46 bankın fəaliyyət göstərməsi normadan artıqdır”. Mərkəzi Bankın İdarə Heyəti sədrinin müavini Alim Quliyev dünən jurnalistlərə açıqlamasında bildirdi ki, ərazisinə və əhalisinin sayına görə 46 bank Azərbaycan üçün çoxdur: “Biz hesab edirik ki, bu kimi ölkələr üçün 15-20 bank kifayətdir”.

Onun sözlərinə görə, hesablaşma, aktivlər və digər göstəricilərə görə indiki 46 bankdan yalnız 20 bank sistem əhəmiyyətli bank hesab oluna bilər. Bu səbəbdən də MB-nin hədəflərindən biri konsolidasiya strategiyasının hazırlanması və onun həyata keçirilməsidir: “Bir sıra banklara təklif olunacaq ki, kiçik və zəif banklar birləşmə yolu ilə daha iri təşkilata çevrilsin. Bundan başqa, alternativ yol kimi bir sıra bankların qeyri-bank kredit təşkilatına çevrilmək variantı təklif olunur. Nəhayət, həyat qabiliyyəti olmayan banklar ümumiyyətlə bazardan çıxarılacaq”.
A.Quliyev vurğulayıb ki, strategiyanın tələbləri artıq hazırlanır və təbii ki, təklif olunan yollardan birini seçmək üçün banklara müəyyən vaxt veriləcək. Bu prosesin 2010-cu ildə həyata keçirilməsi nəzərdə tutulur.
Qeyd edək ki, hazırda ölkədə 46 bank fəaliyyət göstərir.

HƏBİBƏ

981 dəfə baxılıb