NEFTDƏN ASILILIĞIN PİK HƏDDİ | İqtisadiyyat

	12 fevral 2012


Onlayn ictimai-siyasi qəzet

İqtisadiyyat

NEFTDƏN ASILILIĞIN PİK HƏDDİ

2010-03-11

“Qara qızıl”ın ixracda payı 95 faizə yüksəlib

Yanvar ayında ölkədən kənara 1,35 milyard ABŞ dolları həcmində neft və neft məhsulları ixrac olunub ki, bu da ümumi ixracın 94,5 faizini təşkil edib. “İqtisadi forum” jurnalının Dövlət Gömrük Komitəsinə istinadən verdiyi məlumata görə, 2009-cu ilin müvafiq dövründə bu göstərici 0,6 milyard dollar və ya ümumi ixracın 91,4 faizinə bərabər olub. Komitənin məlumatına görə, ümumi ixracda xam neftin payı 88,52 faiz, neft məhsullarının payı isə 5,99 faiz təşkil edib.

Ötən il Bakı-Tiflis-Ceyhan boru kəməri ilə 2,85 milyon ton neft nəql edilib. Bundan başqa, Şimal boru kəməri ilə 0,13 milyon, “Supsa” boru kəməri ilə 0,37 milyon ton neft ixrac olunub.
Xam neftin ixracı bütünlükdə ARDNŞ-nin Marketinq və İqtisadi Əməliyyatlar İdarəsi tərəfindən (2,27 milyon ton) həyata keçirilib. Neft məhsullarının isə 90,48 faizi ARDNŞ, 8,21 faizi “Azərbaycan Hava Yolları” QSC-nin “Azal OİL” YSM idarəsi, 1,31 faizi “Azneftyağ” İstehsalat Birliyi tərəfindən ölkədən kənara çıxarılıb.
İdxalda üstünlük təşkil edən maşın və elektrik aparatları, avadanlıqlar, elektrotexniki avadanlıqlar və onların ehtiyat hissələrinin payı 26,02 faiz olub. Nəqliyyat vasitələri və onların hissələri 14,29 faiz , ərzaq məhsulları 17,27 faiz, qara metallar və onlardan hazırlanan məmulatlar 8,9 faiz, əczaçılıq məhsulları 1,87 faiz, oduncaq və ondan hazırlanan məmulatlar - 3,81 faiz, xalq istehlakı malları 0,66 faiz, mebel 1,3 faiz paya malik olub. Qalan əmtəələrin payına 25,89 faiz düşür.

HƏBİBƏ

1411 dəfə baxılıb