PREZİDENTLƏR BİZNESLƏ MƏŞĞUL OLA BİLƏRMİ

	13 fevral 2012


Onlayn ictimai-siyasi qəzet

İqtisadiyyat

PREZİDENTLƏR BİZNESLƏ MƏŞĞUL OLA BİLƏRMİ?

2010-07-29

“Dünyada bütün dövlət başçılarının biznesi, biznes maraqları var”. Bu sözləri Milli Məclisin Mədəniyyət komitəsinin sədri Nizami Cəfərov “Azadlıq” radiosunun “İşdən sonra” proqramında deyib.

Deputatın sözlərinə görə, Azərbaycanda imkanlı, güclü maddi vəsaiti olan və həmin vəsaitin xaricdə istinadgahı olan insanlar olmalıdır: “Bu, prezident də ola bilər, başqaları da”.
N.Cəfərov deyib ki, Azərbaycanda bütün böyük vəsaitlərin hamısına prezident nəzarət etməlidir: “Azərbaycanın dövlət başçısı Azərbaycanla bağlı olan bütün qanuni və qeyri-qanuni maliyyə imkanlarına tam nəzarət etməlidir”.
Əliyevlərin Dubay villaları məsələsinə toxunan deputat “Mən ”Vaşinqton post" qəzetinə inanmıram. İnanmamağa hər cür əsasım var" - deyə mövqeyini ifadə edib. O, bildirib ki, Azərbaycan prezidenti İlham Əliyev biznesmen deyil və bizneslə məşğul olmur.
Prezidentin bizneslə məşğul olmaq hüququnun olub-olmadığını şərh edən hüquqşünas Fuad Ağayev “Yeni Müsavat”a açıqlamasında bildirdi ki, qanunvericiliyə görə, prezident biznes fəaliyyət ilə məşğul ola bilməz: “Konstitusiyada qadağa dairəsi var. Orada bir neçə vəzifəni tutan şəxslərin sahibkarlıqla məşğul olması qadağın edilir. Prezident də sahibkarlıqla məşğul ola bilməz”.

SAMİR

696 dəfə baxılıb