NEFT ŞİRKƏTİ İLƏ BAĞLI YENİ SENSASİON MƏLUMATLAR

	13 fevral 2012


Onlayn ictimai-siyasi qəzet

İqtisadiyyat

NEFT ŞİRKƏTİ İLƏ BAĞLI YENİ SENSASİON MƏLUMATLAR

2010-09-04

ARDNŞ-in yeni bank yaradacağı və özəlləşdiriləcəyi deyilir

Dövlət Neft Şirkətinin (ARDNŞ) özəlləşdiriləcəyi barədə xəbərlər yayılıb. Bu barədə bizi məlumatlandıran mənbənin sözlərinə görə, hazırda bu istiqamətdə ciddi proseslər gedir. Məsələn, quruda və dənizdə olan bir sıra neft yataqlarının işlənməsini birgə yaradılmış müəssisələr həyata keçirir. Hansı ki, həmin birgə müəssisələrdə ofşor şirkətlərin və holdinqlərin payı çoxluq təşkil edir. Mənbə bildirir ki, ARDNŞ-nin birbaşa özəlləşdirilməsi hələlik gündəmdə deyil: “Amma xatırlayırsınızsa Kojenı məsələsində hökumət söz vermişdi ki, şirkət özəlləşməyə açılacaq. Sonradan bu məsələ təxirə salındı.

Ola bilər ki, bir müddətdən sonra yenidən gündəmə gəlsin, lakin hələlik proses başqa istiqamətdə gedir. Məsələn, şirkətdəki yüksək vəzifələrdən bir neçəsinə hakimiyyətin ikinci familiyası olan Paşayevlərə yaxın şəxslər yerləşdirilib”.
Qeyd edək ki, bu günlərdə ARDNS-nin öz hesablarını Beynəlxalq Bankdan “KapitalBank”a köçürməsi haqda məlumat da qəzetimizdə dərc edilib. Mənbə bildirir ki, bu da həmin prosesin tərkib hissəsidir. Belə ki, artıq ötən ildən “KapitalBank”ın səhmlərinin əsas hissəsi - 97,5 faizi “Paşa Holdinq”ə məxsusdur: “ARDNŞ-nin hesablarını həmin banka köçürməsi də şirkətin Paşayevlərə tabe etdirilməsindən xəbər verir. Məndə olan məlumata görə, proseslərin yekununda ARDNŞ "KapitalBank"ı özünün korporativ bankı edəcək. Bankın adı da gələcəkdə dəyişdirilib “Neftbank” olacaq".

Təbriz CƏFƏR

1485 dəfə baxılıb