“bp AZƏRBAYCANDAKI PAYINI SATMAQ NİYYƏTİNDƏ DEYİL”

	13 fevral 2012


Onlayn ictimai-siyasi qəzet

İqtisadiyyat

“bp AZƏRBAYCANDAKI PAYINI SATMAQ NİYYƏTİNDƏ DEYİL”

2010-09-09

Rəşid Cavanşir: “Əksinə, bizə “Şahdəniz”dən pay təklif olunsa sevinərik”

“bp Azərbaycandakı layihələrdəki payını satmaq niyyətində deyil”. Bu bəyanatla “bp-Azərbaycan”ın prezidenti Rəşid Cavanşir ANS-ə müsahibəsində çıxış edib. Onun sözlərinə görə, əksinə, “bp-Azərbaycan”a “Şahdəniz”də yeni pay təklif olunsa, şirkət həmin payı hər an almağa hazırdır.

Xatırladaq ki, Rusiya prezidenti Dmitri Medvedyevin Bakıya səfəri zamanı Rusiyanın “Qazprom” şirkətinin prezidenti Aleksey Miller bp-nin “Şahdəniz”dəki payını almağa hazır olduqlarını bildirmişdi.
“Mən kiminsə fikirlərinə münasibət bildirmək fikrində deyiləm. Ancaq öz şirkətimiz adından deyə bilərəm ki, nə keçmişdə, nə indi, nə də gələcəkdə bp-nin Azərbaycanda hansısa payını satmaq haqda heç bir planı olmayıb və olmayacaq. Əksinə, dediyim kimi, biz fəaliyyətimizi genişləndirmək istəyirik. Kimsə bizə əlavə ”Şahdəniz"də pay təklif etsə, biz böyük bir sevinclə onu alarıq. Ona görə də bu barədə mən artıq heç nə deyə bilmərəm. Bizim real əməliyyatlar və çiynimizdə daşıdığımız məsuliyyət Azərbaycana bağlılığımızdan irəli gəlir",- deyə “bp-Azərbaycan” şirkətinin prezidenti Rəşid Cavanşir bildirib.

HƏBİBƏ

458 dəfə baxılıb