FRANSALI DEPUTAT PKK-YA DƏSTƏK VERİB

	12 fevral 2012


Onlayn ictimai-siyasi qəzet

Dünya

FRANSALI DEPUTAT PKK-YA DƏSTƏK VERİB

2010-03-13

Bu təşkilatın təlim düşərgələrindən polis də xəbərdar olub

PKK terror təşkilatına qarşı İtaliya, Fransa və Belçikada həyata keçirilən əməliyyatların ardınca Avropa Parlamentinin üzvü, fransalı deputat Joze Bove bəyan edib ki, o, şəxsən bu terror təşkilatına dəstək verir. J.Bove Fransanın Larzak bölgəsində PKK-nın təlim düşərgəsi olduğunu təsdiq edərək deyib ki, həmin düşərgədə dəfələrlə olub.

Deputatın bildirdiyinə görə, düşərgənin fəaliyyətindən Fransa polisi də xəbərdar idi. J.Bove son əməliyyatlarda tutulan PKK-ın yüksək səlahiyyətli şəxsi Mehmet Əli Doğanla qonşu olduğunu da bildirib. O deyib ki, yaz-yay aylarında çoxlu sayda kürd gənci PKK düşərgəsinə gələrək təlim keçib. Bu düşərgə 15 ilə yaxındır fəaliyyətdədir.
J.Bovenin bildirdiyinə görə, M.Ə.Doğana məxsus villanın yaxınlığında Fransa ordusunun bölməsi yerləşir. O deyib ki, düşərgədə silahlı təlim keçilib, təlim keçənlər döyüşmək üçün daha sonra İraqın şimalına, Türkiyəyə göndərilib.
Xatırladaq ki, son əməliyyatlarda PKK-nın Avropa üzrə bir neçə səlahiyyətli şəxsi həbs edilib, habelə terror təşkilatına aid təlim düşərgələri ortaya çıxıb. Türkiyə uzun müddətdir Avropa ölkələrinin PKK-ya dəstək verdiyini bəyan edirdi.

Siyasət şöbəsi

770 dəfə baxılıb