MÜSƏLMAN ÖLKƏSİNDƏ DƏ NİQABA QADAĞA

	06 sentyabr 2010


Onlayn ictimai-siyasi qəzet

Dünya

MÜSƏLMAN ÖLKƏSİNDƏ DƏ NİQABA QADAĞA?

İlqar İbrahimoğlu: “Mənim kimi olmayan düzgün mövqedə deyil” məfkurəsi rejimləri vadar edir ki, cüzi sayda niqablı insanın mövcudluğunu həzm etməsin"

Xəbər verildiyi kimi, bu günlərdə müsəlman ölkəsi Suriyanın universitetlərində qadın tələbə və müəllimlərə üzü örtən niqabla gəlməyi qadağan edilib. Hökumət rəsmisi niqablı qadınları içəri buraxmamaqla bağlı bütün universitetlərə göstəriş verdiklərini açıqlayıb. Qadağa haqqında qərarı Təhsil Nazirliyi verib. Ötən ay isə niqab taxan dövlət ali məktəblərinin müəllimləri başqa inzibati işlərə keçiriliblər.

Bu qadağa Suriyada geniş yayılmış hicaba və çadraya aid deyil. Suriya hakimiyyəti niqabı sabitliyə potensial təhlükə hesab edir.
Niqab Suriyadan başqa digər dünyəvi ərəb ölkələrində - Misir, İordaniya və Livanda da geniş yayılıb. Maraqlıdır ki, niqab qadağası Fransa və Suriyanı birləşdirib. Belə ki, bir müddət öncə Fransanın Aşağı Palatasında burqanın (niqab) qadağan olunması ilə bağlı qanun layihəsi qəbul olunub.
Dini Etiqad və Vicdan Azadlıqlarının Müdafiəsi Mərkəzinin sədri Hacı İlqar İbrahimoğlu Fransada və Suriyada baş verənlər arasında müəyyən oxşar cəhətlər olduğunu dedi: “Belə ki, hər 2 rejim bu məsələyə yanaşmada etatizm mövqeyindən çıxış etmiş oldular. Onlar heç gizlətməyi lazım bilmədilər ki, qadağanın motivi - üzü örtən niqabın onlar tərəfindən qəbul edilməməsidir. Yəni etatizmin ana xətti olan "mənim kimi olmayan düzgün mövqedə deyil" məfkurəsi onları vadar edir ki, cüzi sayda olan niqablı insanın mövcudluğunu həzm etməsinlər və bu hala əməli şəkildə dözümsüzlük nümayiş etdirsinlər".
Dinşünas-alim Suriya hökumətinin qərarını isə islamofobiyanın təzahürü hesab etdiyini dedi: “Belə müxtəlif rejimli və müxtəlif fəlsəfi mahiyyətli hökumətlərin eyni mövqedən çıxış etməsi bir daha sübut edir ki, söhbət yalnızca fərqli baxışlara qarşı dözümsüzlükdən gedir”.

Nailə RÖVŞƏNQIZI

467 dəfə baxılıb

[06.09.2010] - ƏHMƏDİNEJAD: “İRANA HÜCUM EDƏRSƏ, İSRAIL DÜNYA XƏRİTƏSİNDƏN SİLİNƏCƏK”

[06.09.2010] - PAKİSTANDA TERAKT - 8 ÖLÜ

[06.09.2010] - TÜRKİYƏ İRANA QARŞI SANKSİYALARA QOŞULACAQ

[06.09.2010] - DAĞISTANDA HƏRBİ HİSSƏYƏ HÜCUMUN QURBANLARI ARTIR

[06.09.2010] - YULİYA TİMOŞENKO HƏBSƏ HAZIRLAŞIR

[06.09.2010] - FƏLƏSTİN LİDERİ ƏHMƏDİNEJADA “MOŞENNİK” DEDİ

[05.09.2010] - “TALİBAN” ABŞ VƏ AVROPANI TERRORLA HƏDƏLƏDİ

[04.09.2010] - TONİ BLEYRƏ YUMURTA ATIBLAR

[02.09.2010] - ƏFQANISTANDA DİNİ LİDER QƏTLƏ YETİRİLİB

[01.09.2010] - MİNSKLƏ MOSKVA ARASINDA MÜHARİBƏ ALOVU