BUŞƏHR AES-i GÖRƏ ABŞ-la İSRAİL ARASINI VURDU

	12 fevral 2012


Onlayn ictimai-siyasi qəzet

Dünya

BUŞƏHR AES-i GÖRƏ ABŞ-la İSRAİL ARASINI VURDU

2010-08-23

İranın stansiyanı işə salması yəhudi dövlətinin kəskin reaksiyasına səbəb olub, Vaşinqton isə narahat deyil

İranın tikintisi 1974-cü ildən başlayan Buşəhr AES-in işə salınması prosesinə start verməsi İsraillə ABŞ-ın indiki administrasiyası arasında ciddi ziddiyyət yaradıb.

Yəhudi dövləti stansiyanın işə salınmasına kəskin reaksiya versə də, Vaşinqton bundan narahat deyil və belə görünür, prosesə razılıq verib. “Röyter” agentliyinin məlumatına görə, İsrail bəyan edib ki, stansiyanın işə salınması “bütünlüklə qəbuledilməzdir” və beynəlxalq ictimaiyyət Tehrana təzyiq göstərməlidir. Xəbər verildiyi kimi, stansiyanın tikintisini həyata keçirən Rusiya şirkəti avqustun 21-də Buşəhr AES-in birinci reaktoruna yanacaq yüklənməsinə başlayıb. Buşəhr AES elektrik enerjisi hasilatına ilin sonunda başlayacaq.
Rəsmi Təl-Əviv bəyan edir ki, BMT Təhlükəsizlik Şurasının qətnamələrini kobud şəkildə pozan ölkənin işləyən AES-ə malik olmasına yol vermək lazım deyildi. “Beynəlxalq ictimaiyyət İrana qarşı təzyiqləri gücləndirməli və onu məcbur etməlidir ki, uranın zənginləşdirilməsini dayandırsın və yeni reaktorlar inşa etməsin” deyə İsrail XİN-in rəsmi nümayəndəsi Essi Levi bildirib.
ABŞ Dövlət Departamenti isə bəyan edib ki, Buşəhr AES Atom Enerjisi üzrə Beynəlxalq Agentliyin nəzarəti altındadır. Bundan əlavə, stansiyanı nüvə yanacağı ilə Rusiya təmin edəcək və işlənmiş yanacaq geri daşınacaq. Rəsmi Vaşinqtona görə bütün bunlar stansiyanın işləməsindən narahatlığa əsas vermir. Eyni zamanda Buşəhr AES-in işə salınmasından sonra İranın uranı zənginləşdirmək üçün irəli sürdüyü arqumentlər əsassız olacaq. Rusiyadan verilən reaksiyada da analoji fikirlər səslənir, bildirilir ki, Buşəhr AES-dən hərbi məqsədlə istifadə tam istisnadır. Lakin stansiyanın indiki məqamda işə salınmasının siyasi aspektləri var. İran güclü beynəlxalq sanksiyalar altında nüvə sahəsində mühüm nəticə əldə etdiyini göstərə bilər və bu da sanksiyaların effektsiz olduğunu təsdiqləyərdi.
Digər tərəfdən, İsraillə ABŞ-ın indiki administrasiyası İrana dair açıq ziddiyyət içərisinə girmiş olur. Xəbərlərə görə, Təl-Əviv son ana qədər Vaşinqtona təzyiq göstərib ki, stansiyanın işə salınmasını əngəlləsin. Ekspertlər qeyd edirlər ki, əgər İsrail İranın nüvə obyektlərinə zərbə endirsə, hədəflər arasında Buşəhr AES də olmalıdır. Lakin stansiyaya nüvə yanacağı yükləndiyi üçün onu vurmaq olduqca riskli addım olardı.

Xəbər xidməti

1263 dəfə baxılıb