İRAN AZI 3 ATOM BOMBASI HAZIRLAYA BİLƏR

	12 fevral 2012


Onlayn ictimai-siyasi qəzet

Dünya

İRAN AZI 3 ATOM BOMBASI HAZIRLAYA BİLƏR

2010-09-08

Beynəlxalq Atom Enerjisi Agentliyinin məxfi hesabatı üzə çıxdı

Beynəlxalq Atom Enerjisi Agentliyi - BATENA İranı nüvə müfəttişləri ilə əməkdaşlığa çağırıb. Agentlik özünün yeni hesabatında bildirir ki, İrandakı bütün nüvə materialının dinc məqsəd daşıdığından əmin deyil. BATENA bildirir ki, İran ötən noyabr ayından az qala min kiloqramadək aşağı zənginlikli uran istehsal edib.

Hesabata görə, İranın əlində hazırda 2.8 ton aşağı faizli zənginləşdirlmiş uran, 22 kiloqram isə yuxarı faizli zənginləşdirilmiş uran var. BATENA-nın BBC tərəfindən əldə olunmuş məxfi hesabatında deyilir ki, İran agentliyi lazımi sənədlərlə tanış etmir və onun müfəttişlərindən bəzilərinin bu ölkəyə səfər etməsinə razılıq vermir. Odur ki, agentlik hazırda İranın nüvə fəaliyyətinin tam şəkildə dinc xarakter daşıdığı barədə təminat verə bilməz. Agentlik bildirir ki, İranın bu məsələdə əməkdaşlığı təcili xarakter daşıyır. Həmçinin bildirilir ki, BMT Təhlükəsizlik Şurası tərəfindən İrana qarşı tətbiq olunmuş daha sərt sanksiyalara baxmayaraq, Tehran aşağı zənginlikli uranın istehsalını davam etdirir. BATENA-nın hesabatında deyilir ki, İran ötən noyabr ayından bəri aşağı zənginlikli uran ehtiyatını az qala 1000 kiloqrama çatdırıb. Əgər bu həcmdə uran 90 faizədək zənginləşdirilərsə azı 3 atom bombasının hazırlanması üçün kifayət edə bilər.
Təşkilatın hesabatını şərh edən Ağ Ev rəsmisi Timmi Vayter bildirib ki, orada deyilənlər ciddi narahatlıq yaratmaya bilməz. “Bu hesabat İranın nüvə fəaliyyətlərinin dinc xarakter daşımadığını bir daha göstərir” deyə o bildirib. İranın BATEN-dakı nümayəndəsi Əli Əsgər Sultaniyyə isə deyib ki, hesabatda deyilənlər qərəzlidir və onun ölkəsi nüvə silahı əldə etmək istəmir. İran nümayəndəsi nüvə fəaliyyətlərinin beynəlxalq müşahidəçilərin nəzarəti altında olduğunu bildirib.

Siyasət şöbəsi

1103 dəfə baxılıb