HİLLARİ KLİNTON QURANIN MÜDAFİƏSİNƏ QALXDI

	12 fevral 2012


Onlayn ictimai-siyasi qəzet

Dünya

HİLLARİ KLİNTON QURANIN MÜDAFİƏSİNƏ QALXDI

2010-09-09

Amerikalı keşişin Quranı yandırmaq planları müsəlmanlar arasında kəskin etiraz dalğalarına səbəb oldu

Dünya ictimaiyyətinin etirazına baxmayaraq Amerikadakı dini icmalardan biri sentyabrın 11-də Quranı yandırmaq niyyətindən daşınmayıb. Onlar bununla “əl-Qaidə”nin 2001-ci ildə Amerikada törətdiyi terror aktlarının qurbanlarını anmaq istədiklərini bildirirlər. Florida ştatında təxminən 50 dindarın yaratdığı icmanın keşişi Terri Cons bildirib ki, o, İslamın müqəddəs kitabının yandırılmasının xaricdəki amerikalılara qarşı təhlükəni artıra biləcəyinə dair ABŞ hökumətinin narahatlığını anlayır. Lakin Cons İslamın “zorakı din” olduğuna inandığını və Quranın yandırılması planından hələ ki vaz keçmədiklərini deyib.

Xəbər verildiyi kimi, Obama administrasiyası, ABŞ-ın Əfqanıstandakı yüksək rütbəli hərbçiləri və NATO müqəddəs kitabın yandırılmasını təxirə salmağa çağırıb. Bildiriblər ki, bu, hərəkət müsəlman dünyası ilə münasibətləri təhlükə altına qoya bilər. Dövlət katibi Hillari Klinton da bu qərarı “hörmətsiz və biabırçı” adlandırıb. Baş prokuror Erik Holder isə bunu axmaq və təhlükəli kimi qiymətləndirib. O, dini icmanı amerikalıların həyatı üçün təhlükə yaradacaq əməldən çəkinməyə çağırıb. Əfqanıstan və İndoneziyada isə Quranı yandırmaq planlarına qarşı nümayişlər olub. İran isə xəbərdarlıq edib ki, Quranı yandırmaq müsəlmanların nəzarətdən çıxa biləcək cavabına səbəb ola bilər. Buna baxmayaraq, tədbiri təşkil edən keşiş bildirib ki, o, planını həyata keçirəcək və nümayişlər onu bu əməldən saxlamayacaq.

Siyasət şöbəsi

1438 dəfə baxılıb