VLADİQAFQAZDAKI PARTLAYIŞDA ÖLƏNLƏRİN SAYI ARTIB

	12 fevral 2012


Onlayn ictimai-siyasi qəzet

Dünya

VLADİQAFQAZDAKI PARTLAYIŞDA ÖLƏNLƏRİN SAYI ARTIB

2010-09-09

Bazarda baş vermiş hadisə nəticəsində həlak olanların sayı 16-ya çatıb

Məlum oluduğu kimi Rusiyanın Şimali Osetiya regionunun paytaxtı Vladiqafqazda terror aktı törədilib. “RİA Novosti” agentliyinin Daxili İşlər Nazirliynə istinadən verdiyi məlumata görə, hadisə nəticəsində ölənlərin sayı 16-ya çatıb, 96-dan çox insan yaralanıb.

Qeyd edək ki, partlayışa Vladiqafqazın Zanayeva küçəsində yerləşən mərkəzi bazarın girişi yaxınlığındakı yaşayış evlərindən biri qarşısında saxlanmış avtomobildəki partlayıcı maddənin işə düşməsi səbəb olub. Partlayıcı maddənin gücü 10 kiloqram trotildən artıq ekvivalentdə olub. Ətrafdakı binaların şüşələri sınıb. Bazardakı insanlar arasında çaxnaşma yaranıb. Milis və xüsusi xidmət əməkdaşları ərazini nəzarətə götürüb. Şəhərin bütün orepativ xidmətlərinin əməkdaşları, o cümlədən Şimali Osetiya rəhbəri Taymuraz Mamsurov hadisə yerinə gedib.
Partlayış faktı ilə bağlı “Terror aktı” maddəsi üzrə cinayət işi açılıb. Partlayışa görə məsuliyyəti hələ ki, heç kim üzərinə götürməyib. Terror aktı ilə bağlı məlumatlandırılan Rusiya prezidenti Dmitri Medvedevin tapşırığı ilə Rusiya prezidentinin Şimali Qafqaz Federal Dairəsi üzrə səlahiyyətli nümayəndəsi Aleksandr Xloponin də hadisə yerinə yola düşüb.
Qeyd edək ki, bir qədər öncə Rusiya kütləvi informasiya vasitələrinin verdiyi məlumata görə, araşdırma nəticəsində məlum olub ki, partladılan maşının sükan arxasında Arçiyev soyadlı şəxs olub. Avtomobil isə Dobriyev adlı şəxsin adına olub. Artıq Dobriyev adlı şəxsin saxlanıldığı və onun ifadəsinin aldındığı bildirilir.
Xatırladaq ki, Şimali Osetiyada sonuncu dəfə güclü terror aktı avqustun 17-də baş vermişdi. Şimali Osetiya ilə İnquşetiyanın inzibati sərhəddi yaxınlığındakı milis postu qarşısında kamikadzenin törətdiyi partlayış nəticəsində bir milis əməkdaşı ölüb, ikisi yaralanıb.

anspress.com

1599 dəfə baxılıb