ERMƏNİSTANIN HHM SİSTEMLƏRİ İRANA DAŞINIR

	22 may 2012


Onlayn ictimai-siyasi qəzet

Gündəm

ERMƏNİSTANIN HHM SİSTEMLƏRİ İRANA DAŞINIR

2011-12-23

İşğaldakı ərazilərimiz üzərindən böyük avantüra
hmədinejatın İrəvana səfərinin məqsədi bəlli oldu; düşmən ölkədəki HHM sistemləri sökülərək, İrana aparılır; regionda gərginlik son həddə...

“Ermənistan ərazisindən və Azərbaycanın erməni işğalı altındakı rayonlarının ərazilərindən İrana intensiv şəkildə yüklər daşınır. Son günlər bu proses o qədər böyüyüb ki, artıq onu əraziyə ən müxtəlif vasitələrlə (kosmosdan və canlı agentura üzərindən) nəzarət edən dövlətlər də qeydə alıblar”...

Bizə də bu məlumat həmin dövlətlərdən birinin Bakıdakı missiyalarından sızdırılıb. Dəqiqləşdirilmiş bilgilər əsasında onu demək olar ki, son günlər İranla həmsərhəd olan işğal altındakı ərazilərimizdən iritonnajli maşınlar kolonlar şəklində İran ərazisinə doğru hərəkət edirlər. Eynu proses daha intensiv şəkildə Ermənistan- İran sərhədində də müşahidə olunmaqdadır. Xarici ölkə təmsilçisinin, adının açıqlanmaması şərti ilə müxbirimizə verdiyi bilgidə göstərilir ki, daşınan yüklər Ermənistan ərazisində mövcud olan Hava Hücumundan Müdafiə sistemlərinin hissələridir: “Təxminən 80 ədəd bu cür HHM sistemi mövcuddur. Onlar Ermənistan və Dağlıq Qarabağ ərazisində Azərbaycana qarşı quraşdırılıb və hər biri də işlək vəziyyətdədir. İndi həmin HHM-ləri demontaj edərək, İrana daşıyırlar. İran olası hava hücumuna qarşı hazırlıqlarını intensivləşdirir. Bu məsələdə dünya gücləri, əsasən də ABŞ Rusiya ilə gizli bir anlaşma içərisindədir; bu anlaşmaya görə ruslar İrana HHM və başqa müdafiə silahları satmayacaqlar. Bu səbəbdən də yuxarıda göstərilən variant seçilib. İran Ermənistan ərazisindəki əksər HHM-ləri satın alıb və onları artıq daşıtdırır”. İşin maraqlı tərəfi də budur ki, bu yüklər İran və Ermənistan yetkililərinin birgə içtirakı ilə Azərbaycanımızın işğal altındakı ərazilərindən daşınmaqdadır...
Mənbəmizin məlumatlarina görə, İran prezidenti Əhmədinejatın İrəvana bu gün həyata keçirilən səfərinin əsas məqsədi də bu hadisəyə bağlıdır. Ermənistan, atom silahı əldə etmək ərəfəsində olan və bu səbəbdən də dünya gücləri tərəfindən demək olar ki, təklənən, vurulacağı barədə artıq ciddi təhdidlər alan İrana arxa çıxmaq qərarı verib... Və bütün dünya artıq neçəncisə dəfə İran-Ermənistan əməkdaşlığının şahidi olmaqdadır.
Qeyd edək ki, artıq ABŞ yetkililəri açıq-aydın şəkildə işarə edirlər ki, İranın atom bombası əldə etməsini önləmək üçün əllərində olan “bütün zəruri tədbirləri” görəcəklər. Belə bəyanatla ən son ABŞ-ın müdafiə naziri Leon Panetta çıxış edib. Pentaqon rəhbəri CBS telekanalına müsahibəsində jurnalistin “Əgər kəşfiyyat İranın nüvə silahı hazırladığını təsdiq edərsə, ABŞ bu ölkəyə zərbələr endirəcəkmi” sualına “bəli” cavabını verib.
Qərb mətbuatında yer alan xəbərlərdə isə deyilirdi ki, İsrail ABŞ-a xəbər vermədən dekabrın sonlarında İranın nüvə obyektlərinə hava zərbələri endirməyə hazırlaşır. İsrailin bu əməliyyat üçün bütün hərbi hazırlıqları başa çatdırdığı bildirilir. “The Times” qəzetinin xəbər verdiyinə görə, İsrail hava zərbələri ilə yanaşı, İran ərazisində nöqtə əməliyyatları həyata keçirmək üçün xüsusi seçilmiş dəstə yaradıb. Britaniya kəşfiyyat çevrələrindən isə bildirilmişdi ki, İsrail Yeni il ərəfəsində İrana qarşı qəfil hava əməliyyatlarına başlayacaq. ABŞ prezidentinin Yaxın Şərq məsələləri üzrə keçmiş müşaviri Deniss Ross isə bildirib ki, İsrail İrana qarşı Vaşinqtona xəbər etmədən hava zərbələrinə başlaya bilər.
Məhz belə bir ərəfədə İran prezidenti dostu Serj Sərkisyanın dəvəti ilə İrəvana gedir. Orada onlar növbəti dəfə qucaqlaşıb öpüşəcək və həm də ermənilərin əlində olan HHM sistemlərinin İrana daşınmasına dair detalları müzakirə edəcəklər.
Bu məqamda qeyd edək ki, Ermənistan HHM sistemini tam olaraq Rusiya qurub və Gümri şəhərində Rusiya -Ermənistan birgə HHM komanda məntəqəsi fəaliyyət göstərməkdədəir.