“SİYASİ MƏHBUSLAR 2-3 HƏFTƏYƏ BURAXILACAQ”

	22 may 2012


Onlayn ictimai-siyasi qəzet

Gündəm

“SİYASİ MƏHBUSLAR 2-3 HƏFTƏYƏ BURAXILACAQ”

2012-02-08

AŞ PA məruzəçisindən məhbus ailələrinə xoş xəbər

Bakıya səfərindən sonra Avropa Şurasının məruzəçisi Jozef Debono Qrex deyib ki, ötənilki etirazlarla bağlı həbs olunan 16 adamın 2-3 həftə ərzində azad olunacağını gözləyir. “BBC-Azərbaycan”a müsahibəsində o bildirib ki, görüşdüyü rəsmilər 16 məhbusun işlərinin yenidən nəzərdən keçiriləcəyini vəd ediblər.

AŞ PA məruzəçisi açıqlamasında Azərbaycanın insan haqları və demokratiyanın genişlənməsi ilə bağlı öhdəliklərinin yerinə yetirilməsində irəliləyiş etdiyini bildirib. Qrex Avropa Şurasının siyasi məhbusların işi üzrə məruzəçisi Kristofer Ştrasserə viza verilməli olduğunu deyib. “Biz Azərbaycan rəsmilərinə etimad edirik” deyə, o bildirib. Qrex açıqlamasında deyib ki, Bakıya səfərləri zamanı Azərbaycan rəsmiləri ilə danışıqlarda insan haqları üzrə “Amnesty International” təşkilatı tərəfindən vicdan məhbusu hesab edilən 16 nəfərdən başqa siyasi məhbus sayılan digər şəxslərin də azad olunması məsələsinin qaldırdığını deyib.
“Hökumət məhbusların azad olunmasına dair hər hansı zəmanət veribmi”, sualına cavab verən Qrex deyib ki, “onlar məhbusların dərhal azad olunacağını demirlər, işlərinə yenidən baxılacağını bildiriblər: ”Onlar bu cür edirlər. Lakin 2 və yaxud da 3 həftə ərzində məhbuslar azad olunacaq". Debono Qrex Bakı danışıqlarında “olduqca sərt” olduğunu da vurğulayıb.

Siyasət şöbəsi

1716 dəfə baxılıb