XİN SƏFİRLİKLƏRİN TƏNQİD OLUNMASINA CAVAB VERDİ

	22 may 2012


Onlayn ictimai-siyasi qəzet

Gündəm

XİN SƏFİRLİKLƏRİN TƏNQİD OLUNMASINA CAVAB VERDİ

2012-02-10

Elman Abdullayev: “Hansısa xarici jurnalistin təxribat xarakterli sualına görə səfirliyi günahlandırmaq əsassız və məntiqsizdir”

Politoloq Cümşüd Nuriyevin Azərbaycanın səfirliklərini fəaliyyətsizlikdə ittiham etməsi Xarici İşlər Nazirliyinin etirazı ilə qarşılanıb. Xarici İşlər Nazirliyinin mətbuat xidmətinin rəhbəri Elman Abdullayev “Yeni Müsavat”a açıqlamasında bildirdi ki, Cümşüd Nuriyevin səfirliklərimiz barədə dedikləri tamamilə əsassızdır: “Tamamilə həqiqətə uyğun olmayan açıqlama və yanaşmadı. Xarici ölkələrdəki səfirliklərimiz Azərbaycan həqiqətlərini dünya ictimaiyyətinə çatdırmaq üçün bütün qanuni vasitələrdən istifadə edir və əlindən gələni edir. Ölkə prezidentinin rəhbərliyi ilə son zamanlar Azərbaycan haqqında dünya ictimaiyyətində müsbət rəyin yaranmasında da Azərbaycan diplomatik nümayəndəlikləri böyük rol oynayıb. Təbii ki, onların işi effektiv olmasaydı Azərbaycan haqqında xaricdə indiki qədər müsbət rəy yaranmazdı”.

XİN rəsmisi hesab edir ki, hansısa xarici jurnalistin təxribat xarakterli sualına görə səfirliyi günahlandırmaq əsassız və məntiqsizdir: “Bizim səfirliklərimiz çox fəaldır və öz işlərinin öhdəsindən layiqincə gəlirlər”.
Xatırladaq ki, Cümşüd Nuriyev “Yeni Müsavat” qəzetinin srağagünkü sayında Almaniyanın Münhen şəhərində prezident İlham Əliyevin sərt şəkildə münasibət bildirdiyi sualda kifayət qədər qərəz olduğunu, lakin o qərəzin heç də ermənilərdən qaynaqlanmadığını, səfirliklərimizin informasiya, təbliğat işinin zəifliyindən qaynaqlandığını demişdi. “Mənə elə gəlir ki, o cür sualın ortaya çıxması Azərbaycanın informasiya siyasətinin zəifliyi ilə bağlıdır. Azərbaycanın Almaniyada səfirliyi və səfirliyin kifayət qədər işçiləri var. C.Nuriyev Azərbaycanın səfirliklərinin ya 20 Yanvarda, ya Xocalı soyqırımının ildönümündə, ya Novruz bayramı ilə bağlı bir material, informasiya yaydıqlarını, sonra 9 ay yatdıqlarını bildirərək xarici ölkələrdəki rəsmi təmsilçilərimizi sərt tənqid eləmişdi.

Etibar SEYİDAĞA

1241 dəfə baxılıb