““ŞAHDƏNİZ”DƏ BAŞ VERƏN HADİSƏ HAVA ŞƏRAİTİ İLƏ BAĞLI DEYİLDİ”

	22 may 2012


Onlayn ictimai-siyasi qəzet

Gündəm

““ŞAHDƏNİZ”DƏ BAŞ VERƏN HADİSƏ HAVA ŞƏRAİTİ İLƏ BAĞLI DEYİLDİ”

2012-02-10

Ekspert İlham Şaban bunu fors-major vəziyyət adlandırdı və bildirdi ki, Türkiyəyə qaz ixracı bərpa edilib

Fevralın 7-də Azərbaycanın Xəzərdəki ən iri qaz yatağı iflic oldu. “Şahdəniz” platformasında aparılan profilaktik tədbirlər zamanı tam açıqlanmayan texniki səbəblərdən platformanın işini dayandıran avtomatik sistem işə düşüb. “Şahdəniz” platformasının elektrik enerjisi ilə təchizatı sistemində aparılan profilaktik tədbirlər zamanı platformanın dayandırılmasının avtomatik sistemi işə düşdüyündən bütün proseslər dayandırılıb. qeyd edək ki, “Şahdəniz” yatağında yaranmış fövqəladə hal üzündən Azərbaycandan “Cənub dəhlizi” üzrə Türkiyə və Gürcüstana qaz nəqli kəsilib. Bu da Türkiyədə böyük narahatlığa səbəb olub.

“bp Azerbaijan” şirkətinin mətbuat xidmətinin rəhbəri Tamam Bayatlı “Yeni Müsavat”a bildirib ki, 8 fevral tarixindən hasilat bərpa olunub: “Qaz hasil olunur. Hasilat və ixracat sistemi normal həyata keçirilir. Qazın Türkiyəyə və Gürcüstana hasilatına ”Azəriqaz" cavabdehdir".
Lakin “Azəriqaz”İstehsalat Birliyinin mətbuat xidmətinin rəhbəri Kamandar Eyvazlı bunu inkar etdi: “Məsələ ilə əlaqədar neft şirkətinə müraciət edin. Bizim səlahiyyətimizdə deyil”.
ARDNŞ-in mətbuat xidmətinin rəhbəri Nizaməddin Quliyev dedi ki, "Şahdəniz" yatağından Türkiyəyə və Gürcüstana qazın ixracı bərpa edilib.
Neft Araşdırmaları Mərkəzinin rəhbəri İlham Şaban qazın Türkiyə və Gürcüstana ixracatının bərpa olunduğunu dedi: “Məndə olan məlumata görə, ixracat artıq başlayıb. Problemin yaranması məsələsi çox çətin məsələdir. Bilirəm ki, Meksika körfəzindəki hadisələrdən sonra bp şirkəti Azərbaycanda olan bütün platformalarda avtomatik təhlükəsizlik sistemini yenidən qurdu. Ötən il bu müasir sistem quruldu, baxmayaraq ki, platformalar 5 ildir ki, istismarda idi. Avtomatik idarəetmə sistemi işə düşüb və bütün prosesi dayandırıb, o cümlədən hasilatı. Hadisə 6 fevralda baş verdi. Fevralın 8-də iş bərpa olundu, əvvəlcə zənn edildi ki, bu, hava şəraitinə görə baş verib. Belə ki, Xəzərin şimalında buzlaşma baş verib. Fikirləşdik ki, buz platformaya çırpılıb. Lakin daha sonra məlum oldu ki, qəza hava ilə əlaqəli hadisə deyildi. Fors-majordur”.

HAMLET

1111 dəfə baxılıb