Gündəm ƏSGƏR DONUZ QRİPİ PEYVƏNDİNDƏN ÖLDÜ Hərbi xidmətə getdi, 20 gün sonra meyiti qayıtdı Cəlilabadın Ocaqlı kənd sakini İbrahim Əliyevin ölümü müəmma olaraq qalır; onun döyüləndən sonra keçindiyi iddiası da var

Azərbaycan ordusu daha bir əsgərini itirib. Bu dəfə də müəmmalı şəraitdə. Özü də əsgərimizin həyatına erməni gülləsi yox, döyüşə, atışmaya dəxli olmayan səbəb son qoyub. Dünən əldə etdiyimiz məlumata görə, bu il yanvarın əvvəlində Cəlilabad Rayon Hərbi Komissarlığı tərəfindən həqiqi hərbi xidmətə çağırılan Cəlilabadın Ocaqlı kənd sakini İbrahim Əlifağa oğlu Əliyev fevralın 4-də hərbi hissədə müəmmalı şəkildə ölüb.

20 günün əsgərinin meyiti fevralın 5-də günorta saatlarında iki zabitin müşayiəti ilə doğulduğu kəndə aparılaraq ailəsinə təhvil verilib. Mərhum elə həmin gün də doğulduğu kənddə dəfn olunub. 1991-ci il təvəllüdlü İbrahim Əliyevin hansı səbəbdən vəfat etməsinə gəlincə isə kənd sakinlərinin dediyinə görə, burada iki səbəb göstərilir. Birinci versiya gənc əsgərin ordudakı özbaşınalıq və “dedovşina”nın qurbanı olması ilə bağlıdır. İddialara görə, mərhum İbrahim Əliyev hərbi hissədə möhkəm döyülüb və daxili orqanlarının zədələnməsi üzündən dünyasını dəyişib.
Amma mərhumun həmyerlilərindən biri bu versiyanı təkzib edib. Onun deməsinə görə, mərhumun meyiti yuyularkən onun bədənində hər hansı zorakılıq, işgəncə, döyülmə, fiziki xəsarət əlamətləri olmayıb: “Həm də hərbi xidmət müddəti heç bir ayı da ötməyən gənc əsgərin bunca qısa vaxt ərzində özünə döyülüb öldürülmək həddinə qədər düşmən qazanacağı inandırıcı deyil. Ordudakı vəziyyəti bilirik. Amma bu halda da onu uzaqbaşı sıxa, incidə bilərdilər. Heç bu da ağlabatan deyil. Rəhmətlik çox tərbiyəli, ağıllı, üzüyola, sakit, zəhmətkeş uşaq idi. Onun döyülərək öldürülməsi variantına inanmıram”.
Əsgərin yas məclisində iştirak etmiş şəxslərdən birinin dedikləri isə ikinci və daha inandırıcı versiyanın yaranmasına səbəb olub. Bildirilir ki, hələ karantində olan və hərbi andı da qəbul etməyən əsgər Əliyev Ağcabədidəki hərbi hissədə xidmətə başlayandan az sonra orada gənc əsgərləri donuz qripi əleyhinə peyvənd etməyə başlayıblar. Mərhum da elə bu əməliyyatın qurbanı olub. Belə ki, şəxsi heyətə vaksin vurularkən əsgər Əliyev bundan şoka düşüb və ayılmayaraq keçinib. Bunu onun yaxınları da təsdiqləyib.
Xatırladaq ki, əsgərin donuz qripi əleyhinə peyvənddən ölməsi daha bir analoji faktı yada salır. Xəbər verdiyimiz kimi, dekabrda Bakıda da analoji hal olmuşdu. O vaxt yayılan xəbərlərdə deyilirdi ki, paytaxt xəstəxanalarının birində donuz qripi əleyhinə vaksin vurulan hamilə qadın bundan az sonra dünyasını dəyişib.
Qeyd edək ki, evin yeganə övladı olan İbrahim Əliyev fiziki cəhətdən çox sağlam olub və heç bir xəstəlikdən şikayətlənməyib. Bir müddət öncə anasını itirən İbrahimin atası Rusiyada yaşayır. Ən qəribəsi budur ki, onun ölümünün dəqiq səbəbləri, hətta ölüm faktının özü barədə bu günə qədər də rəsmi məlumat verilməyib.
Dünən Müdafiə Nazirliyindən, Səhiyyə Nazirliyindən və Cəlilabad Rayon Hərbi Komissarlığından bu faktla bağlı hər hansı məlumat ala bilmədik. Sadəcə olaraq telefon zənglərinə də cavab verən olmadı. Mövzuya qayıdacağıq.

Kamran ABBASBƏYLİ

3510 dəfə baxılıb

[16.03.2010] - AZƏRBAYCANI TƏSLİMÇİLİYƏ SÜRÜKLƏYİRLƏR

[16.03.2010] - TÜRKİYƏNİN ORDU KOMANDANINDAN HÖKUMƏTƏ MESAJ

[16.03.2010] - İLHAM ƏLİYEVİN RƏQİBLƏRİ İLƏ XARİCİLƏRİN QƏRİBƏ GÖRÜŞLƏRİ

[16.03.2010] - “TÜRKİYƏ İLƏ AZƏRBAYCANIN XARİCİ SİYASƏTİ QÜSURLUDUR”

[16.03.2010] - ZİYA MƏMMƏDOV YÜZLƏRLƏ SAHİBKARIN ƏMLAKINI YAĞMALADI

[16.03.2010] - HİLLARİ KLİNTON AZƏRBAYCANA MESAJ GÖNDƏRDİ

[16.03.2010] - NOVRUZ MƏMMƏDOV FASYENİN SƏRSƏMLƏMƏSİNƏ CAVAB VERDİ

[16.03.2010] - “AZƏRBAYCAN TÜRKİYƏYƏ REAL KÖMƏK EDƏ BİLƏR”

[16.03.2010] - “MƏNSUR İBAYEV QRİQORYANA ÖLÜM HOKMÜ KƏSMƏLİ İDİ”

[16.03.2010] - İLHAM ƏLİYEV ANKARAYA GEDƏCƏKMİ?

[16.03.2010] - ADP MİNSK QRUPU ÇƏRÇİVƏSİNDƏ DANIŞIQLARI DAYANDIRMAĞI TƏLƏB ETDİ

[15.03.2010] - "İQTİDARDAN ÖZÜMƏ QARŞI İNDİKİNDƏN PİS MÜNASİBƏT GÖZLƏMİRƏM"

[15.03.2010] - ERMƏNİ MƏTBUATINDAN ŞOK İDDİA

[15.03.2010] - ABŞ AZƏRBAYCANDA İNQİLAB EDƏ BİLƏRMİ?

[15.03.2010] - “ƏLİYEVİN VAŞİNQTONA ÇAĞIRILMAMASININ ƏSAS SƏBƏBİ İNCİKLİKDİR”

[15.03.2010] - “ERMƏNİ SOYQIRIMI BARƏDƏ QƏRAR SƏHVDİR”

[15.03.2010] - AVROPALI QONAQLAR SİYASİ PARTİYA LİDERLƏRİ İLƏ GÖRÜŞÜB

[15.03.2010] - ENERJİ LOBBİSİ VAŞİNQTONU XƏZƏRDƏ DAHA FƏAL OLMAĞA ÇAĞIRIR

[15.03.2010] - BAKIDA 8 TƏLƏBƏ QAÇIRILIB

[15.03.2010] - TÜRKİYƏ “SOYQIRIM” HÜCUMLARINA QARŞI STRATEGİYA MÜƏYYƏNLƏŞDİRİR

ARXIV