MÜSAVAT BAŞQANI YUŞŞENKOYA MƏKTUB HAZIRLAYIB

	16 mart 2010


Onlayn ictimai-siyasi qəzet

Gündəm

MÜSAVAT BAŞQANI YUŞŞENKOYA MƏKTUB HAZIRLAYIB

İsa Qəmbər: “Məktubda Yuşşenkonun rəhbərlik etdiyi siyasi qüvvə ilə əməkdaşlığı davam etdirməyə hazır olduğumuz bir daha bəyan ediləcək”
“Əslinə qalsa, Ukrayna xalqını təbrik etmək lazımdır”

“Düşünürəm ki, Yuşşenkonun rəhbərliyi altında 2004-cü ildə qalib gəlmiş demokratiya xətt indi formal olaraq məğlubiyyətə uğrayıb. Ancaq mahiyyət üzrə yenə də qalib gəlib. Çünki Ukraynada azad, ədalətli seçki keçirilib”. Müsavat Partiyasının başqanı İsa Qəmbər bu fikirləri Ukraynadakı prezident seçkilərinin nəticələrini şərh edərkən söylədi.

Azərbaycan müxalifətinin lideri Ukraynadakı seçkilərdə demokrat Viktor Yuşşenkonun məğlubiyyətə uğramasını, rusiyayönlü Yanukoviçin isə hətta Yuliya Timoşenkonu geridə qoyaraq qələbəyə yaxın olmasını faciə kimi qəbul etmir: “Həmin o ”narıncı inqilab" deyilən demokratik proses Ukraynaya elə bir impuls verib ki, artıq Ukraynada bundan sonra seçkilərin total saxtalaşdırılması, hər hansı qüvvənin hakimiyyətdə zorla qalması mümkün olmayacaq. Bu, ən böyük nailiyyətdir, bu, missiyanın yerinə yetirilməsi deməkdir. Əslinə qalsa, bu münasibətlə Ukrayna xalqını təbrik etmək lazımdır".
Seçkinin qalibinə gəlincə, İsa bəy hansısa köklü dəyişikliklərin baş verəcəyini düşünmür: “Dəyişiklik belə olacaq ki, Ukrayna NATO üzvlüyü ilə bağlı məsələlərdə o dərəcədə təkidli olmayacaq, o mövqedən geri çəkiləcək. Ancaq Ukrayna Avropa Birliyinə üzv olmaq istiqamətində fəaliyyətini davam etdirəcək. Ukrayna ilə Rusiya arasında dostluq ritorikası güclənəcək, ancaq mahiyyət etibarilə köklü dəyişikliklər yenə də baş verməyəcək. Hesab edirəm ki, güclü vətəndaş cəmiyyətinin, güclü demokratik qüvvələrin mövcudluğu Ukraynanı bir növ demokratik meydanda saxlayacaq. Biz artıq Ukraynanın bütün daxili çətinlikləri dəf edə-edə, güclü xarici təzyiqə sinə gərə-gərə inkişafının şahidi olacağıq”.
Qeyd edək ki, Ukraynadakı ötən prezident seçkiləri Azərbaycan cəmiyyəti və demokratik qüvvələri üçün də ciddi impuls rolunu oynamışdı. Hətta o zaman müxalifətin aparıcı qüvvələrini özündə birləşdirən “Bizim Azərbaycan” Bloku narıncı rəngi Ukraynadakı “Narinci inqilab”ın şərəfinə simvol olaraq seçmişdi. Ukraynadakı seçkilərin parlament seçkiləri ilini yaşayan Azərbaycan üçün hansı təsirlərinin olacağına gəldikdə, Müsavat başqanı hesab edir ki, bu, artıq şərhlərdən, izahatdan və məsələyə yanaşmadan asılıdır: “Cəmiyyətə izah olunmalıdır ki, Ukraynada azad və ədalətli seçki keçirilib. Bizim sözümüzün canı odur ki, Azərbaycanda da azad və ədalətli seçkilər keçirilməlidir, xalq kimi istəyirsə, onu da seçməlidir. Bir gün demokratik qüvvələrə, bir gün Şərqi Avropa ölkələrində olduğu kimi keçmiş solçu qüvvələrə üstünlük verə bilər. Bu, bir prosesdir. Ancaq önəmlisi odur ki, hakimiyyəti xalq seçsin və hakimiyyət xalq qarşısında hesabat versin”.
Yuşşenko ilə müttəfiqlik sazişi imzalayan Müsavat Partiyasının başqanı bundan sonrakı mərhələdə onunla əlaqələrin davam etdirilməsi istiqamətində hansısa təşəbbüslə çıxış edəcəkmi?
İsa Qəmbər bununla bağlı maraqlı bir informasiya verdi: “Mən cənab Yuşşenkoya məktub hazırlamışam və yəqin ki, yaxın günlərdə onu Kiyevə göndərəcəyəm. Həmin məktubda fikirlərimi, mülahizələrimi bildirmişəm. Həmçinin o məktubda Müsavat Partiyasının Yuşşenkonun rəhbərlik etdiyi siyasi qüvvə ilə əməkdaşlığı davam etdirməyə hazır olduğu bir daha bəyan ediləcək”.

Elşad PAŞASOY

686 dəfə baxılıb

[16.03.2010] - AZƏRBAYCANI TƏSLİMÇİLİYƏ SÜRÜKLƏYİRLƏR

[16.03.2010] - TÜRKİYƏNİN ORDU KOMANDANINDAN HÖKUMƏTƏ MESAJ

[16.03.2010] - İLHAM ƏLİYEVİN RƏQİBLƏRİ İLƏ XARİCİLƏRİN QƏRİBƏ GÖRÜŞLƏRİ

[16.03.2010] - “TÜRKİYƏ İLƏ AZƏRBAYCANIN XARİCİ SİYASƏTİ QÜSURLUDUR”

[16.03.2010] - ZİYA MƏMMƏDOV YÜZLƏRLƏ SAHİBKARIN ƏMLAKINI YAĞMALADI

[16.03.2010] - OQTAY ƏSƏDOV AVROPANI SEÇİM ETMƏYƏ ÇAĞIRDI

[16.03.2010] - HİLLARİ KLİNTON AZƏRBAYCANA MESAJ GÖNDƏRDİ

[16.03.2010] - NOVRUZ MƏMMƏDOV FASYENİN SƏRSƏMLƏMƏSİNƏ CAVAB VERDİ

[16.03.2010] - “AZƏRBAYCAN TÜRKİYƏYƏ REAL KÖMƏK EDƏ BİLƏR”

[16.03.2010] - ABŞ KONQRESİNİN HELSİNKİ KOMİTƏSİ BLOGGERLƏRLƏ BAĞLI QƏRARI PİSLƏDİ