İRAN ERMƏNİSTAN ÜZƏRİNDƏN QARABAĞ OYUNUNA BAŞLADI

	10 fevral 2012


Onlayn ictimai-siyasi qəzet

Gündəm

İRAN ERMƏNİSTAN ÜZƏRİNDƏN QARABAĞ OYUNUNA BAŞLADI

2010-02-09

Bu dəfə daşnaklar Tehrana çağırıldı

İranın son zamanlar Ermənistanla intensiv təmasları müşahidə edilməkdədir. Özü də bu təmaslar təkcə Ermənistan rəhbərliyi ilə deyil, bu ölkənin hakimiyyətinə qarşı çıxan və ya potensial olaraq çıxmağa qadir olan qüvvələrlə qurulub. Son məlumatlara görə, bu günlərdə Ermənistanın qatı millətçi Daşnaksütyun Partiyasının rəhbərləri Tehranda olublar. Partiyanın rəhbərlərindən Kiro Manoyan, Andranik Tevanyan və Karen Xandaryanın İran rəsmiləri ilə məxfi təmaslarının olduğu da bildirilir. Ermənistan mətbuatı bu səfərlə eks-prezident Robert Köçəryanın bu yaxınlarda Tehrana dəvət edilməsi arasında əlaqə olduğunu yazıb. Xatırladaq ki, Köçəryan Qarabağ münaqişəsi ilə bağlı Ermənistan və Azərbaycan prezidentlərinin Soçi danışıqları ərəfəsində Tehrana dəvət edilib və İran rəhbərliyi onunla danışıqlar aparıb.

Bu səfərdən sonra Ermənistan mətbuatında məlumatlar yayılıb ki, Tehran Köçəryan vasitəsilə Qarabağ anlaşmasını əngəlləməyin yollarını müzakirə edir. Belə ki, İran Ermənistan prezidenti Serj Sərkisyanın ətraf rayonların boşaldılmasını nəzərdə tutan sülh razılaşmasına gedə biləcəyindən və Azərbaycanın İranla sərhəd Cəbrayıl, Füzuli və Zəngilan rayonlarında xarici sülhməramlı qüvvələrin yerləşdirilməsindən narahatdır.
Daşnaksütyun Partiyası dünən Ermənistan mətbuatında çıxan bu iddia ilə bağlı açıqlama yayaraq bildirib ki, onların səfərinin Köçəryanın səfəri ilə heç bir bağlılığı yoxdur. Açıqlamaya görə, səfər İranda daşnakların ənənəvi illik toplantısı ilə bağlı olub. Bu səfər zamanı İrandakı erməni diasporu ilə Türkiyə-Ermənistan protokolları və Qarabağ münaqişəsinə dair müzakirələr aparılıb. Qeyd edək ki, yanvarın sonlarında İran xarici işlər naziri İrəvanda səfərdə olub. Ermənistan müdafiə naziri isə ötən həftə İrana səfərə dəvət edilib.