Gündəm BAKIDA 8 TƏLƏBƏ QAÇIRILIB 2010-03-15 Neft Akademiyasına bağlı daha bir şok xəbər: İrandan zəng vuran gənc “Bizi ərəb ölkələrindən birinə aparırlar” deyib; qaçırılanların terror təşkilatına qoşulacağı istisna edilmir

Azərbaycan Dövlət Neft Akademiyasının (ADNA) yataqxanasında qalan 8 tələbə 5 gündür ki, yoxa çıxıb. Dünən yataqxanadakı tələbələrin bu vəziyyət ilə bağlı hüquq-mühafizə orqanlarına müraciəti əsasında araşdırmalara start verilib. Məlum olub ki, itkin düşən tələbələrdən 5-i Bakı Dövlət Universitetinin, 3-ü isə ADNA-nın tələbələridir. Yoxa çıxan tələbələr barədə valideynləri məlumatlandırılıb. İşlə MTN-in müstəntiqlərinin məşğul olması barədə məlumatlar var.

Dünən gecə saatlarınadək həmin tələbələrin yoldaşları hadisə ilə əlaqədar dindiriliblər. İtkin düşənlərdən dördünün adı məlum olub. Deyilənlərə görə, Xaqani, Vasif, Samir və Xəqan adlı tələbələr hansısa təriqətin (ehtimalən vəhhabi) üzvü imişlər. Adının açıqlanmasını istəməyən bir tələbə müxbirimizə bildirdi ki, uşaqları universitetin qarşısından maşına minən yerdə görüblər. Onlardan biri kənardakı tanışlarına deyib ki, Şəkiyə, istirahətə gedirlər. (Yoxa çıxan 8 nəfərdən biri əslən Şəkilidir.)
Xaqaninin tələbə yoldaşlarından biri isə bizimlə söhbətdə bildirdi ki, əslən Şəkidən olan həmin Vasif İrandan otaq yoldaşlarına zəng vurub və deyib ki, onları ərəb ölkələrindən birinə aparırlar. Gənclərin hansısa terror təşkilatına qoşulacağı istisna edilmir: “Vasif sağ-salamat olduqları barədə evdəkilərə xəbər çatdırmağı xahiş etdi. Əvvəlcə elə bildik, zarafat edirlər. Amma son beş gündə onları yataqxanada görənin olmaması şübhələrimizi artırdı. Uşaqlar bundan sonra hüquq-mühafizə orqanlarına zəng vurub və olayla bağlı məlumat verdilər. Bundan əvvəl isə həmin tələbələrin valideynlərindən bəziləri hadisə barədə eşidib rayondan gəldilər. Bu dəqiqə hamı şokdadır”.
Tələbələr arasında söz yayılıb ki, yoxa çıxanlar İran üzərindən Suriyaya keçərək, hansısa terror təşkilatının düşərgəsinə yerləşdiriləcəklər.
Dünən məsələ ilə bağlı Daxili İşlər Nazirliyi mətbuat xidmətinin rəis müavini Ehsan Zahidova müraciət etdik. Lakin nazirlik sözçüsü bu barədə onlarda hər hansı məlumatın olmadığını söylədi.
Mövzunu diqqətdə saxlayacağıq.

Fərahim İLQAROĞLU

6400 dəfə baxılıb

[11.02.2012] - TURAL ABBASLI ARİF HACILIYA NİYƏ DƏSTƏK VERDİ?

[11.02.2012] - TÜRK NAZİRİN VAŞİNQTONDAN MESAJLARI

[11.02.2012] - HÜSNÜ MÜBARƏKİN PULLARI AZƏRBAYCANA GƏTİRİLİR

[11.02.2012] - TÜRKİYƏDƏ MİSLİ GÖRÜNMƏMİŞ SİYASİ QALMAQAL

[11.02.2012] - AZƏRBAYCAN HÖKUMƏTİ İSRAİL FONDUNU NİYƏ RÜSUMDAN AZAD EDİB?

[11.02.2012] - DEPUTATLARIMIZ AYIN SONU İRƏVANA GEDƏCƏK

[11.02.2012] - “İSRAİLİ 9 DƏQİQƏYƏ MƏHV EDƏRİK”

[11.02.2012] - RUSİYADAN T-90S TANKLARI ALIRIQ

[10.02.2012] - TBMM-də KOMİSSİYA SƏDRİ XOCALI SOYQIRIMINDAN DANIŞDI

[10.02.2012] - İSA QƏMBƏR RAFİQ ƏLİYEVİ TƏBRİK ETDİ

[10.02.2012] - XİN SƏFİRLİKLƏRİN TƏNQİD OLUNMASINA CAVAB VERDİ

[10.02.2012] - ATƏT SƏDRİNDƏN QARABAĞ AÇIQLAMASI

[10.02.2012] - TÜRKİYƏ TAKSİMDƏ XOCALI AKSİYASINA HAZIRLAŞIR

[10.02.2012] - AVROPA BİRLİYİNİN “EUROVİSİON” VİZASI İSTƏYİ

[10.02.2012] - AĞLAYAN SİYASƏTÇİLƏR

[10.02.2012] - AZƏRBAYCANLI YAZIÇI PUTİNİN SƏLAHİYYƏTLİ NÜMAYƏNDƏSİ OLDU

[10.02.2012] - TÜRKİYƏ ORDUSUNUN RƏHBƏRİNİN BAKIYA SƏFƏRİ BAŞA ÇATDI

[10.02.2012] - ƏCNƏBİ ORDULARDAKI ZƏRİF “ÖLÜM MƏLƏKLƏRİ”

[10.02.2012] - ““ŞAHDƏNİZ”DƏ BAŞ VERƏN HADİSƏ HAVA ŞƏRAİTİ İLƏ BAĞLI DEYİLDİ”

[10.02.2012] - BAŞ NAZİRLƏ YAZIÇININ SÖZ DUELİ

ARXIV