Gündəm “ƏLİYEVİN VAŞİNQTONA ÇAĞIRILMAMASININ ƏSAS SƏBƏBİ İNCİKLİKDİR” 2010-03-15 Ağ Evlə Azərbaycan hakimiyyəti arasında soyuqluğun pərdəarxası

Vaşinqtonda gələn ay keçiriləcək qlobal nüvə təhlükəsizliyi sammitinə Gürcüstan prezidenti Mixail Saakaşvilidən sonra Ermənistan prezidenti Serj Sərkisyan da dəvət alıb. ABŞ dövlət katibi Hillari Klinton iki gün öncə Serj Sərkisyana zəng edərək prezident Barak Obamanın adından ona sammitə dəvəti çatdırıb. Klinton deyib ki, tərəflər arasında regional və ikitərəfli münasibətlərə dair Vaşinqtonda müzakirələr aparılacaq.

Qlobal nüvə təhlükəsizliyinə dair sammit ABŞ prezidentinin təşəbbüsü ilə keçirilir. Ora bir çox ölkələrin - Rusiya, Türkiyə, Yaponiya, Çin və digərlərinin dövlət və hökumət başçıları dəvətlidir. Gürcüstan prezidenti Mixail Saakaşvili isə dəvəti hələ ötən ay alıb. Onun sammitdən sonra Ağ Evdə Obama ilə görüşü də razılaşdırılıb. Lakin Azərbaycan prezidentinin sammitə dəvət olunması haqda indiyədək heç bir məlumat yoxdur. Böyük ehtimalla belə dəvət göndərilməyəcək. Çünki sammitə hazırlıq başa çatmaq üzrədir və iştirakçıların tərkibi artıq məlumdur. Bir qayda olaraq belə sammitlərə dəvət bir-iki ay əvvəldən göndərilir. Dəvət olunanlar isə öz iştirakını azı iki-üç həftə əvvəldən təsdiqləməlidir...
Bəs regionun lider dövləti kimi təqdim olunan, onsuz heç bir layihənin reallaşmasının mümkün olmadığı iddia olunan Azərbaycanın prezidentinin ABŞ-a dəvət olunmamasını ekspertlər necə şərh edirlər? Müsavat Partiyası başqanının müavini, politoloq Qabil Hüseynliyə görə, buna Barak Obama ötən il Türkiyəyə səfər edərkən İlham Əliyevin onun iştirakı ilə keçirilən foruma qatılmaması səbəb ola bilər: “Türkiyədə ”Mədəniyyətlərarası dialoq" Forumu keçirilərkən Azərbaycan prezidenti bu tədbirə getmədi. Onda Barak Obama şəxsən özü İlham Əliyevə telefon açaraq onu tədbirdə iştiraka dəvət etmişdi. Lakin bunun da bir faydası olmamışdı. Azərbaycan prezidentinin İstanbulda keçirilən foruma qatılmamasının səbəbi Türkiyə-Ermənistan münasibətlərinin qurulmasına dair gizli danışıqlar getməsi barədə məlumatların üzə çıxması idi. Görünür, Amerika Birləşmiş Ştatları kimi bir dövlət Azərbaycan prezidentinin onun dəvətini saya salmadığını yaddaşında saxlayıb. Məncə, İlham Əliyevin Vaşinqtonda keçirilən sammitə dəvət edilməməsinin əsas səbəblərindən biri budur".
“Burada ABŞ-Azərbaycan münasibətlərinin kəskinləşməsi də rol oynaya bilərmi” sualına cavabında politoloq dedi ki, iqtidarın son zamanlar Amerikaya qarşı aqressiv mövqe tutmasında müəyyən haqlı çalarlar var: “Məsələn, Amerikanın Dağlıq Qarabağ münaqişəsi ilə bağlı tutduğu ədalətsiz mövqe, Türkiyə-Ermənistan protokolları məsələsində israrçılığı, əlbəttə ki, Azərbaycanı hiddətləndirir. Amma şübhəsiz ABŞ-ın demokratiya və insan haqlarının qorunması ilə bağlı tələblərinə əməl olunmaması da yaddan çıxmamalıdır”.

Elşad MƏMMƏDLİ

3145 dəfə baxılıb

[13.02.2012] - AZƏRBAYCANDAN RUMINİYAYA YARDIM

[13.02.2012] - SƏHİYYƏ NAZİRİNDƏN ŞOK TƏYİNAT

[13.02.2012] - İRANDA İĞTİŞAŞ: 3 ÖLÜ, 49 HƏBS

[13.02.2012] - “TÜRKİYƏ BAŞ NAZİRİNİN XƏSTƏLİYİ CİDDİ OLA BİLƏR”

[13.02.2012] - GÜNEY AZƏRBAYCANDA YENİ HƏBS DALĞASI

[13.02.2012] - TAKSİMDƏKİ XOCALI YÜRÜŞÜNÜN TƏŞKİLATÇISI QƏZETİMİZƏ DANIŞDI

[13.02.2012] - XOCALI SOYQIRIMINI TANITMAĞIN İQTİSADİ RIÇAQLARI

[13.02.2012] - İSA QƏMBƏR - 55

[13.02.2012] - TÜRKİYƏDƏ SURİYALI QAÇQINLAR ÜÇÜN ŞƏHƏRCİK SALINIR

[13.02.2012] - BAKIDAKI “MOSSAD” AGENTİ NƏLƏRİ ANLADIB... (YENİ)

[12.02.2012] - MÜXALİFLƏR ƏSƏDİN GENERALINI ÖLDÜRDÜ

[12.02.2012] - ABŞ İRAN ƏTRAFINA BÖYÜK QÜVVƏ YIĞIR

[12.02.2012] - RUSİYA İLƏ AZƏRBAYCAN ARASINDA CASUS QALMAQALI

[12.02.2012] - “TÜRKİYƏDƏ ƏRDOĞANA QARŞI BİR TƏŞKİLATLANMA VAR”

[12.02.2012] - “DAVUDOĞLUNUN BƏYANATI HƏM DƏ AZƏRBAYCANA ÜNVANLANIB”

[12.02.2012] - AZƏRBAYCANLI DEPUTAT TAKSİMDƏKİ MİTİNQƏ QATILACAQ

[12.02.2012] - YAXIN ŞƏRQDƏ 9 DƏQİQƏ...

[11.02.2012] - TURAL ABBASLI ARİF HACILIYA NİYƏ DƏSTƏK VERDİ?

[11.02.2012] - TÜRK NAZİRİN VAŞİNQTONDAN MESAJLARI

[11.02.2012] - HÜSNÜ MÜBARƏKİN PULLARI AZƏRBAYCANA GƏTİRİLİR

ARXIV