Gündəm TÜRKİYƏ “SOYQIRIM” HÜCUMLARINA QARŞI STRATEGİYA MÜƏYYƏNLƏŞDİRİR 2010-03-15 Gözlənilir ki, erməni layihəsi yaxın vaxtlarda İspaniya, İngiltərə və Almaniya parlamentlərinin də müzakirəsinə çıxarılacaq

Bu gün Türkiyədə parlament komissiyası dünyada qondarma soyqırım qərarları dalğasının qarşısını almaq üçün yeni addımları müəyyənləşdirmək üçün Xarici İşlər Nazirliyi ilə birgə müzakirələr keçirəcək. Böyük Millət Məclisinin Xarici əlaqələr komissiyasının sədri Murad Mərcan bildirib ki, “soyqırım” qərarları ilə bağlı yaranmış vəziyyət və bundan sonra atılacaq addımlar bazar ertəsi günü komissiyanın xarici işlər naziri Əhməd Davudoğlunun iştirakı ilə keçiriləcək iclasında müzakirə ediləcək.

ABŞ və İsveç parlamentlərində “soyqırım” səsvermələrindən sonra Türkiyə ictimai rəyi bölünmüş durumdadır. Bəziləri hökumətin bu ölkələrdən səfirlərini geri çağırmasını dəstəkləyir, ancaq çoxları yaranmış durumda hökumətin xarici siyasətdə buraxdığı səhvlərin rolunun olduğunu vurğulayır. İndi tez-tez belə fikirlərə rast gəlmək olur ki, Türkiyə ilə Ermənistan arasında imzalanmış protokollar təsdiq edilsəydi, vəziyyət bu yerə gəlməzdi. Digər icmalçılar isə Türkiyə hökumətini hətta “soyqırım” iddialarını tanımağa çağırırlar.
Analitiklərin böyük hissəsi isə hesab edir ki, səfirlərin Ankaraya çağırılması çıxış yolu deyil, onlar öz iş yerlərində daha fəal işləməyə davam etməlidirlər. Ankara isə həm “soyqırım” iddialarını tanıyan ölkələr, həm kampaniyanın arxasında dayanan Ermənistana qarşı daha təsirli addımlar atmalıdır. Türkiyəli müşahidəçilər bildirirlər ki, Nümayəndələr Palatasının Xarici əlaqələr komitəsinin qərar layihəsini təsdiq etməsi digər ölkələri də cəsarətləndirir. Belə ki, İsveç parlamentində erməni layihəsinin müzakirəsi zamanı çıxış edənlər ABŞ Konqresinin Xarici əlaqələr komitəsinin də 1915-ci il hadisələrini “soyqırım” hesab edən layihəni təsdiqləməsini vurğulayıblar. Artıq ermənilərin “soyqırım” iddialarını parlament səviyyəsində tanıyan ölkələrin sayı 20-yə çatıb. Onların arasında Fransa, İsveçrə, Rusiya, Yunanıstan kimi ölkələr var. Bu qərarların ardından ermənilərin torpaq və iri məbləğdə təzminat iddialarının gerçəkləşməsini real hesab etməyən müşahidəçilərin fikrincə, Türkiyə üçün əsas təhlükə ölkənin siyasi baxımdan nüfuzdan salınması, ciddi bir gücə çevrilməsinin qarşısının alınmasıdır. Gözlənilir ki, erməni layihəsi yaxın vaxtlarda İspaniya, İngiltərə və Almaniya parlamentlərinin müzakirəsinə çıxarılacaq.

Siyasət şöbəsi

995 dəfə baxılıb

[13.02.2012] - AZƏRBAYCANDAN RUMINİYAYA YARDIM

[13.02.2012] - SƏHİYYƏ NAZİRİNDƏN ŞOK TƏYİNAT

[13.02.2012] - İRANDA İĞTİŞAŞ: 3 ÖLÜ, 49 HƏBS

[13.02.2012] - “TÜRKİYƏ BAŞ NAZİRİNİN XƏSTƏLİYİ CİDDİ OLA BİLƏR”

[13.02.2012] - GÜNEY AZƏRBAYCANDA YENİ HƏBS DALĞASI

[13.02.2012] - TAKSİMDƏKİ XOCALI YÜRÜŞÜNÜN TƏŞKİLATÇISI QƏZETİMİZƏ DANIŞDI

[13.02.2012] - XOCALI SOYQIRIMINI TANITMAĞIN İQTİSADİ RIÇAQLARI

[13.02.2012] - İSA QƏMBƏR - 55

[13.02.2012] - TÜRKİYƏDƏ SURİYALI QAÇQINLAR ÜÇÜN ŞƏHƏRCİK SALINIR

[13.02.2012] - BAKIDAKI “MOSSAD” AGENTİ NƏLƏRİ ANLADIB... (YENİ)

[12.02.2012] - MÜXALİFLƏR ƏSƏDİN GENERALINI ÖLDÜRDÜ

[12.02.2012] - ABŞ İRAN ƏTRAFINA BÖYÜK QÜVVƏ YIĞIR

[12.02.2012] - RUSİYA İLƏ AZƏRBAYCAN ARASINDA CASUS QALMAQALI

[12.02.2012] - “TÜRKİYƏDƏ ƏRDOĞANA QARŞI BİR TƏŞKİLATLANMA VAR”

[12.02.2012] - “DAVUDOĞLUNUN BƏYANATI HƏM DƏ AZƏRBAYCANA ÜNVANLANIB”

[12.02.2012] - AZƏRBAYCANLI DEPUTAT TAKSİMDƏKİ MİTİNQƏ QATILACAQ

[12.02.2012] - YAXIN ŞƏRQDƏ 9 DƏQİQƏ...

[11.02.2012] - TURAL ABBASLI ARİF HACILIYA NİYƏ DƏSTƏK VERDİ?

[11.02.2012] - TÜRK NAZİRİN VAŞİNQTONDAN MESAJLARI

[11.02.2012] - HÜSNÜ MÜBARƏKİN PULLARI AZƏRBAYCANA GƏTİRİLİR

ARXIV