Gündəm İLHAM ƏLİYEVİN RƏQİBLƏRİ İLƏ XARİCİLƏRİN QƏRİBƏ GÖRÜŞLƏRİ 2010-03-16 Müxalifətin günəşi Qərbdən doğur; müəmmalı “Karvansaray” ziyafətində nələr danışılıb?

Bir neçə gün öncə Almaniya səfirliyində NATO-nun region ölkələri ilə əməkdaşlığına həsr olunmuş tədbir keçirilib. Tədbirdə Azərbaycanda fəaliyyət göstərən Qərb və Avropa dövlətlərinin səfirliklərinin əməkdaşları, hakimiyyət və müxalifətdən olan nümayəndələr də iştirak ediblər. Toplantıya qatılan şəxslərdən biri əməkdaşımızla söhbətində bildirib ki, tədbirin gedişində Azərbaycan müxalifətini təmsil edən şəxslərlə Amerika Birləşmiş Ştatlarının Azərbaycandakı səfirliyinin rəhbərliyində təmsil olunan şəxslər arasında Azərbaycanda demokratik proseslərin gedişi, qarşıdan gələn parlament seçkiləri ilə bağlı da müzakirələr aparılıb.

“Bu söhbət fasilə zamanı, qeyri-rəsmi olub. Lakin çox ciddi məsələlər müzakirə olunub. ABŞ səfirliyinin əməkdaşları Azərbaycanda demokratik proseslərin gedişinə dəstək verməyə hazır olduqlarını bildiriblər. Ümumi şəkildə görüş haqda bunları deyə bilərəm. Müzakirələr qeyri-rəsmi olduğundan bu haqda mətbuata ətraflı açıqlamalar verilməsi düzgün olmazdı”.
Qeyd edək ki, son vaxtlar Qərb institutlarının, diplomatik korpus təmsilçilərinin Azərbaycanın demokratik düşərgəsi ilə təmasları intensivləşib. Bəzi ekspertlər bunu qarşıdan gələn parlament seçkiləri ilə əlaqələndirirlər. Lakin məsələnin daha bir görünən tərəfi də var. Söhbət Azərbaycan hakimiyyətinin ABŞ-la münasibətlərinin kəskinləşdiyi bir ərəfədə müxalifətlə münasibətlərin istiləşməsindən gedir. Görünür, Qərb ya Azərbaycanda enmiş nüfuzunu bərpa etməyə çalışır, ya da onların demokratiyanın ölkəmizdəki bundan sonrakı perspektivləri ilə bağlı hansısa planları var. Bəzi ekspertlər isə hesab edirlər ki, Qərbin demokratik düşərgə təmsilçiləri ilə görüşlərini artırması Dağlıq Qarabağ münaqişəsinin həlli ilə də bağlı ola bilər. Yəni onlar bu məsələdə prinsipial mövqe tutan müxalifətlə hansısa razılaşmalar əldə etməyə cəhd göstərirlər.
Məlumatın mabədi özündən daha maraqlıdır. Səfirlikdəki görüşdən bir gün sonra Almaniya hökumətinin bir neçə təmsilçisi (onların kimliyi və adları açıqlanmır - red.) müxalifətin iki önəmli liderinə ziyafət verib. Burada da önəmli söhbətlərin getməsi barədə ciddi iddialar var...
Əlimizdə başqa detallar da var. Məsələn, ziyafət məşhur “Karvansaray” restoranında olub. Lakin skandal yaratmamaq üçün başqa detalları açıqlamırıq. Sadəcə, onu deyə bilərik ki, Azərbaycan müxalifətinin üzünə gün doğub. Özü də Qərbdən...

Maqsud MAHRIZLI

6228 dəfə baxılıb

[13.02.2012] - AZƏRBAYCANDAN RUMINİYAYA YARDIM

[13.02.2012] - SƏHİYYƏ NAZİRİNDƏN ŞOK TƏYİNAT

[13.02.2012] - İRANDA İĞTİŞAŞ: 3 ÖLÜ, 49 HƏBS

[13.02.2012] - “TÜRKİYƏ BAŞ NAZİRİNİN XƏSTƏLİYİ CİDDİ OLA BİLƏR”

[13.02.2012] - GÜNEY AZƏRBAYCANDA YENİ HƏBS DALĞASI

[13.02.2012] - TAKSİMDƏKİ XOCALI YÜRÜŞÜNÜN TƏŞKİLATÇISI QƏZETİMİZƏ DANIŞDI

[13.02.2012] - XOCALI SOYQIRIMINI TANITMAĞIN İQTİSADİ RIÇAQLARI

[13.02.2012] - İSA QƏMBƏR - 55

[13.02.2012] - TÜRKİYƏDƏ SURİYALI QAÇQINLAR ÜÇÜN ŞƏHƏRCİK SALINIR

[13.02.2012] - BAKIDAKI “MOSSAD” AGENTİ NƏLƏRİ ANLADIB... (YENİ)

[12.02.2012] - MÜXALİFLƏR ƏSƏDİN GENERALINI ÖLDÜRDÜ

[12.02.2012] - ABŞ İRAN ƏTRAFINA BÖYÜK QÜVVƏ YIĞIR

[12.02.2012] - RUSİYA İLƏ AZƏRBAYCAN ARASINDA CASUS QALMAQALI

[12.02.2012] - “TÜRKİYƏDƏ ƏRDOĞANA QARŞI BİR TƏŞKİLATLANMA VAR”

[12.02.2012] - “DAVUDOĞLUNUN BƏYANATI HƏM DƏ AZƏRBAYCANA ÜNVANLANIB”

[12.02.2012] - AZƏRBAYCANLI DEPUTAT TAKSİMDƏKİ MİTİNQƏ QATILACAQ

[12.02.2012] - YAXIN ŞƏRQDƏ 9 DƏQİQƏ...

[11.02.2012] - TURAL ABBASLI ARİF HACILIYA NİYƏ DƏSTƏK VERDİ?

[11.02.2012] - TÜRK NAZİRİN VAŞİNQTONDAN MESAJLARI

[11.02.2012] - HÜSNÜ MÜBARƏKİN PULLARI AZƏRBAYCANA GƏTİRİLİR

ARXIV