HAAQA MƏHKƏMƏSİNİN QƏRARI ERMƏNİSTANDAKI QIRGILARI ÜMİDLƏNDİRİB

	10 fevral 2012


Onlayn ictimai-siyasi qəzet

Gündəm

HAAQA MƏHKƏMƏSİNİN QƏRARI ERMƏNİSTANDAKI QIRGILARI ÜMİDLƏNDİRİB

2010-07-28

Parlamentin vitse-spikeri deputatları “DQR”-in müstəqilliyini tanımağa çağırıb

ABŞ dövlət katibi Hillari Klintonun Kosovanın hazırkı statusunu dəstəkləməyə dair çağırışı, Ermənistanda qondarma DQR-in də müstəqilliyinin tanınacağı ümidlərini artırıb. Artıq Ermənistan hakimiyyəti bu istiqamətdə səylərini artırıb. Məsələyə dair ilk çağırış isə Ermənistan parlamentindən gəlib. Parlamentinin vitse-spikeri Samvel Nikoyan Ermənistan parlamentinin Dağlıq Qarabağın müstəqilliyini tanıya biləcəyini açıqlayıb. O, Dağlıq Qarabağın müstəqilliyinin indiki anda tanınmasının uyğun olmadığını, ancaq bir gün buna yönəlik adımın atıla biləcəyini vurğulayıb.

Qeyd edək ki, Ermənistan tərəfin bu mövqeyi Qərb dairələrinin etirazlarına səbəb olub. ABŞ dövlət katibinin Avropa və Avrasiya məsələləri üzrə köməkçisi Filip Qordon açıq şəkildə bildirbi ki, Haaqa Məhkəməsinin qərarı Kosovaya aiddir və məlum qərar başqa regionlar və dövlətlər üçün presedent yarada bilməz. O deyib ki, ABŞ beynəlxalq məhkəmənin qərarından razıdır.
Avropa Birliyinin Cənubi Qafqaz üzrə xüsusi nümayəndəsi Piter Semnebi isə deyib ki, Kosovo və Dağlıq Qarabağ məsələləri bir-biri ilə müqayisə edilsə də. başqa-başqa məsələlərdir. Müstəqillik elanı onları eyniləşdirmir.
Vaşinqtondakı Con Hopkins Universitetinin Mərkəzi Asiya/Qafqaz İnstitutunun direktoru Svante Kornell isə hesab edir ki, ola bilsin, Beynəlxalq Ədalət Məhkəməsinin Kosovonun müstəqilliyi barədə qərarı yanlış anlaşılıb. S. Kornell APA-ya açıqlamasında bu məsələlərə qiymət verərkən bir sıra məqamların nəzərə alınmalı olduğunu deyib. O, Dağlıq Qarabağ münaqişəsi ilə bağlı vəziyyətin Kosovo məsələsindən xeyli fərqləndiyini də bildirib: “Bu fərqlərdən biri insan haqlarının pozulması hallarının sayı və əhalinin etnik tərkibindəki dəyişikliklərdir. Kosovo münaqişəsi zamanı Serbiya tərəfindən kosovalılara qarşı etnik təmizləmə siyasətinin aparılması NATO-nun mandatı altında beynəlxalq qüvvələrin bu əraziyə yerləşdirilməsinə səbəb oldu. Beynəlxalq müdaxilə müharibədən əvvəlki demoqrafik statusu bərpa etdi. Abxaziya, Cənubi Osetiya və Dağlıq Qarabağ məsələlərində isə vəziyyət xeyli fərqlidir. 1992-93-cü illərdə Qarabağda, 1993-cü ildə Abxaziyada, 2008-ci ildə isə Cənubi Osetiyada separatçılar tərəfindən etnik təmizləmə siyasəti həyata keçirilib. Bunlar bir çox halda Kosovodakı vəziyyətin əksidir və separatçıların müstəqillik iddialarını zəiflədir. Demoqrafik vəziyyəti dəyişmək, sonra isə müstəqillik barədə siyasi bəyannamələr vermək qəbul olunmazdır Bu, beynəlxalq hüququn uzunmüddətli prinsipidir”.
Almaniyanın Azərbaycandakı səfirinin siyasi məsələlər üzrə müşaviri Florian Peters isə bildirib ki, Dağlıq Qarabağ məsələsində beynəlxalq hüquq Azərbaycanın tərəfindədir.

Leyla İLQAR

630 dəfə baxılıb