ŞƏHİD GİZİRİMİZİN ŞƏKİLLƏRİ ODNOKLASSNİKİDƏ

	22 may 2012


Onlayn ictimai-siyasi qəzet

Gündəm

ERMƏNİLƏR ŞƏHİD MİLLİ QƏHRƏMANIMIZIN ŞƏKİLLƏRİNİ YAYDILAR

2010-08-02

Mübariz İbahimovun cəsədinin fotosunu təhqir etdilər

Azərbaycan Silahlı Qüvvələrinin şəhid olan giziri, Milli Qəhrəman Mübariz İbrahimovun cəsədinin şəkilləri ermənilər tərəfindən odnoklassniki.ru saytında yayılıb. Qeyd edək ki, M.İbrahimovun şəhid olmasından 50 gündən çox vaxt keçsə də, ermənilər bildirirdilər ki, gizirin cəsədi onlarda deyil. Ermənilərin M.İbrahimovun cəsədinin şəkillərinin yaymaları bir daha sübut edir ki, cəsəd onlardadır. Milli Qəhrəmanın şəkillərinin ermənilər tərəfindən yayılması haqda musavat.com-a Dini Etiqad və Vicdan Azadlıqlarını Müdafiə Mərkəzinin (DEVAMM) rəhbəri Hacı İlqar İbrahimoğlu məlumat verib.

Xatırladaq ki, Mübariz Ağakərim oğlu İbrahimov 1988-ci il fevralın 7-də Biləsuvar rayonunun Əliabad kəndində anadan olub. 2005-ci ildə M.Piriyev adına Əliabad kənd orta məktəbini bitirib. Həmin il hərbi xidmətə cağırılıb. Daxili Qoşunların N saylı hərbi hissəsinin Xüsusi Təyinatlı Bölüyündə xidmət edib, çavuş rütbəsi alıb. 2007-ci ildə hərbi xidməti başa vurduqdan sonra bir müddət mülki işlərdə çalışıb. 2009-cu ilin avqust ayında öz arzusu ilə hərbiyə qayıdıb. Bu dəfə artıq gizir kimi xidmət keçməyə başlayıb. 2010-cu ilin aprel ayından Tərtər rayonunun N saylı hərbi hissəsində xidmət edib. 2010-cu il iyunun 18-dən 19-na keçən gecə Tərtərin Çaylı kəndi istiqamətində Ermənistan silahlı qüvvələrinin hücumunu dəf edərkən altı erməni hərbçisini öldürərək şəhid olub.

İyulun 22-də prezident İlham Əliyev Azərbaycanın müstəqilliyinin və ərazi bütövlüyünün qorunub saxlanmasında müstəsna xidmətinə və göstərdiyi rəşadətə görə gizir Mübariz Ağakərim oğlu İbrahimova Azərbaycanın Milli Qəhrəmanı adı verilməsi (ölümündən sonra) barədə sərəncam imzalayıb.
Qeyd edək ki, şəhid Milli Qəhrəmanımızın şəkilli Təhləryan soyadlı bir erməni tərəfindən yayılır və sayta ona təhqiredici şərhlər yazılır. “Diaspor və lobbi” mərkəzi bunun qarşısını almaq üçün kampaniyaya başlayıb və bütün dünyada yaşayan soydaşlarımıza çağırış edib ki, hər kəs www.odnoklassniki.ru saytına girərək onun adminstratoruna ermənilərin bu alçaq əməlləri haqda şikayət etsin.

SAMİR

16512 dəfə baxılıb