Gündəm "FACEBOOK"da MÜXALİFƏT FƏALDIR, YOXSA İQTİDAR? 2010-09-03

YAP-ın icra katibi Əli Əhmədov partiya üzvü olan gəncləri internetdəki sosial şəbəkələrdə aktiv olmağa çağırıb. O, gəncləri internetdə sosial şəbəkələrə qatılarkən öz mövqelərini ortaya qoymağı, yalnız oxucu deyil, aktiv iştirakçı olmağı da tövsiyə edib.

Məlumdur ki, Azərbaycanda da sosial şəbəkələrdə müxtəlif məzmunlu diskussiyalar açan, yaxud aktiv müzakirəyə qoşulan gənclərin sayı artır. Sosial şəbəkələr içərisində daha çox tanınanı "Facebook" hesab olunur. Bu şəbəkədə müxalifyönümlü, müstəqil və iqtidarı dəstəkləyən gənclər də qeydiyyatdadır. Görünür, şəbəkədə müxalif yönümlü gənclərin aktiv təbliğat aparması hakimiyyəti narahat edib. Xüsusilə parlament seçkiləri öncəsi üzvlərinin sayı durmadan artan sosial şəbəkədə “mübarizə” hər iki düşərgənin gəncləri üçün prinsipial əhəmiyyət kəsb edir.
Maraqlıdır, "Facebook"da müxalif, yoxsa iqtidar yönümlü gənclər daha fəaldır? Azərbaycan İnternet Forumunun prezidenti Osman Gündüz şəbəkədə müstəqil gənclərin daha çox olduğunu deyir: “Bunlar bloggerlər, üzvlər, digər internet media nümayəndələri, ictimai qurumların nümayəndələridir. Mən bildiyim qədər bu şəxslər "Facebook"da müstəqil xətdən müzakirələr aparırlar”.
Həmsöhbətimizin fikrincə, aktiv "Facebook" istifadəçiləri arasında 2-ci yerdə müxalifətyönümlü üzvlər dayanır: “Siyasi partiya nümayəndələrinin çoxlarının bloqları, "Facebook" hesabları var. Amma iqtidar yönümlülər adıçəkilən şəbəkədə azlıq təşkil edir. Ola bilsin bunu nəzərə alaraq Əli Əhmədov həmin gənclərə müraciət edib. "Facebook" sərbəst, açıq şəbəkədir. Hər bir halda mən bu çağırışı dəstəkləyirəm”.
"Facebook" istifadəçisi, millət vəkili Arzu Səmədbəyli də o qənaətdədir ki, müxalifyönlü gənclər iqtidar nümayəndələrinə nisbətən sosial şəbəkələrdə daha fəaldırlar: “Sözügedən şəbəkədəki yazışmalarda iqtidar gəncləri uduzur. Hər halda, YAP monitorinq aparıb və öz gənclərinin "Facebook"da aktiv olmadığını müşahidə edib. Bu baxımdan Əli Əhmədovun çağırışına normal yanaşıram”. Ancaq A.Səmədbəylinin fikrincə, YAP gəncləri "Facebook"da fəallaşsalar belə, bunun təbliğata heç bir təsiri olmayacaq: “Müzakirə olunan məsələlərin aktuallığı baxımından müxalifətyönlü gənclər daha maraqlı mövzular gündəliyə qoyurlar”.

Nailə RÖVŞƏNQIZI

966 dəfə baxılıb

[12.02.2012] - MÜXALİFLƏR ƏSƏDİN GENERALINI ÖLDÜRDÜ

[12.02.2012] - ABŞ İRAN ƏTRAFINA BÖYÜK QÜVVƏ YIĞIR

[12.02.2012] - RUSİYA İLƏ AZƏRBAYCAN ARASINDA CASUS QALMAQALI

[12.02.2012] - “TÜRKİYƏDƏ ƏRDOĞANA QARŞI BİR TƏŞKİLATLANMA VAR”

[12.02.2012] - “DAVUDOĞLUNUN BƏYANATI HƏM DƏ AZƏRBAYCANA ÜNVANLANIB”

[12.02.2012] - AZƏRBAYCANLI DEPUTAT TAKSİMDƏKİ MİTİNQƏ QATILACAQ

[12.02.2012] - YAXIN ŞƏRQDƏ 9 DƏQİQƏ...

[11.02.2012] - TURAL ABBASLI ARİF HACILIYA NİYƏ DƏSTƏK VERDİ?

[11.02.2012] - TÜRK NAZİRİN VAŞİNQTONDAN MESAJLARI

[11.02.2012] - HÜSNÜ MÜBARƏKİN PULLARI AZƏRBAYCANA GƏTİRİLİR

[11.02.2012] - TÜRKİYƏDƏ MİSLİ GÖRÜNMƏMİŞ SİYASİ QALMAQAL

[11.02.2012] - AZƏRBAYCAN HÖKUMƏTİ İSRAİL FONDUNU NİYƏ RÜSUMDAN AZAD EDİB?

[11.02.2012] - DEPUTATLARIMIZ AYIN SONU İRƏVANA GEDƏCƏK

[11.02.2012] - “İSRAİLİ 9 DƏQİQƏYƏ MƏHV EDƏRİK”

[11.02.2012] - RUSİYADAN T-90S TANKLARI ALIRIQ

[10.02.2012] - TBMM-də KOMİSSİYA SƏDRİ XOCALI SOYQIRIMINDAN DANIŞDI

[10.02.2012] - İSA QƏMBƏR RAFİQ ƏLİYEVİ TƏBRİK ETDİ

[10.02.2012] - XİN SƏFİRLİKLƏRİN TƏNQİD OLUNMASINA CAVAB VERDİ

[10.02.2012] - ATƏT SƏDRİNDƏN QARABAĞ AÇIQLAMASI

[10.02.2012] - TÜRKİYƏ TAKSİMDƏ XOCALI AKSİYASINA HAZIRLAŞIR

ARXIV