Gündəm TÜRKİYƏNİN MƏDƏNİYYƏT NAZİRİNİN ERMƏNİ SEVGİSİ 2010-09-08 Ərtoğrul Günay: “Mən ermənilərin əhatəsində böyümüşəm, ən yaxın dostlarım da onlardır”

Türkiyənin mədəniyyət naziri Ərtoğrul Günay Vanın Axtamar adasındakı qədim erməni kilsəsində sentyabrın 17-də başlayacaq dini ayində çoxlu erməninin iştirak edəcəyini deyib. Nazir jurnalistlərə açıqlamasında bildirib ki, bu ayin türklərlə erməniləri yaxınlaşdırmağa xidmət edəcək: “Mərasim Türkiyə ilə Ermənistan arasında barışa nail olmaq üçün daha bir cəhddir. Türkiyədəki erməni patriarxı bizə müraciət edərək Axtamardakı Surab Xaç kilsəsində ildə bir dəfə ayin keçirilməsinə icazə istədi. Biz də bu müraciətə müsbət cavab verdik. Bu, iki ölkənin yaxınlaşması istiqamətində növbəti addımdır, başqa addımlar da olacaq”.

Ə.Günay onu da deyib ki, ermənilərin əhatəsində yaşayıb və ən yaxın dostları ermənilərdir: “Bizim aramızda heç vaxt düşmənçilik olmayıb. Bu barədə mərhum jurnalist Qrant Dink olduqca yaxşı fikirlər söyləmişdi. Ermənilər, türklər, yunanlar hamısı bu torpağın övladlarıdır”. Nazirin bildirdiyinə görə, o, dəfələrlə Vana səfər edərək ictimaiyyəti orada keçiriləcək dini ayinə hazırlayıb. Lakin Günay erməni kilsəsində keçiriləcək ayinə qatılmayacağını deyib və bunu iş qrafikinin “zəngin olması” ilə izah edib.
Ermənilər arasında isə Surab Xaç kilsəsindəki ibadətlə bağlı mübahisələr səngimir. Ermənistandan azı 6 min nəfər bu ayinə qatılmağa hazırlaşır. Lakin Ermənistanın siyasi və dini çevrələrində hesab edirlər ki, Türkiyə Axtamardakı kilsədə ibadətə icazə verməklə özünü barışığa hazır olan tərəf kimi göstərmək və xal qazanmaq istəyir. Ona görə də ermənilər bu ayinə qatılmamalıdır. Onların fikrincə, Türkiyə hökumətinin məqsədi ermənilərə öz qədim kilsələrində ibadət hüquq vermək olsaydı, o zaman ayinin erməni xaçı ilə keçirilməsinə icazə verilərdi. Həmçinin Türkiyə hökuməti kilsəyə dini ibadət yeri statusu verməyib və oranın fəaliyyətinə muzey kimi icazə verib. Lakin Ermənistanda digərləri hesab edir ki, qədim erməni kilsəsində ibadət üçün yaradılmış bu imkandan istifadə etmək lazımdır.
Ermənistanın hakim Respublika Partiyası isə ayin mərasimini Türkiyə hökumətinin “şousu” adlandıraraq orada iştiraka qarşıdır.

F.MƏMMƏDOV

3916 dəfə baxılıb

[13.02.2012] - AZƏRBAYCANDAN RUMINİYAYA YARDIM

[13.02.2012] - SƏHİYYƏ NAZİRİNDƏN ŞOK TƏYİNAT

[13.02.2012] - İRANDA İĞTİŞAŞ: 3 ÖLÜ, 49 HƏBS

[13.02.2012] - “TÜRKİYƏ BAŞ NAZİRİNİN XƏSTƏLİYİ CİDDİ OLA BİLƏR”

[13.02.2012] - GÜNEY AZƏRBAYCANDA YENİ HƏBS DALĞASI

[13.02.2012] - TAKSİMDƏKİ XOCALI YÜRÜŞÜNÜN TƏŞKİLATÇISI QƏZETİMİZƏ DANIŞDI

[13.02.2012] - XOCALI SOYQIRIMINI TANITMAĞIN İQTİSADİ RIÇAQLARI

[13.02.2012] - İSA QƏMBƏR - 55

[13.02.2012] - TÜRKİYƏDƏ SURİYALI QAÇQINLAR ÜÇÜN ŞƏHƏRCİK SALINIR

[13.02.2012] - BAKIDAKI “MOSSAD” AGENTİ NƏLƏRİ ANLADIB... (YENİ)

[12.02.2012] - MÜXALİFLƏR ƏSƏDİN GENERALINI ÖLDÜRDÜ

[12.02.2012] - ABŞ İRAN ƏTRAFINA BÖYÜK QÜVVƏ YIĞIR

[12.02.2012] - RUSİYA İLƏ AZƏRBAYCAN ARASINDA CASUS QALMAQALI

[12.02.2012] - “TÜRKİYƏDƏ ƏRDOĞANA QARŞI BİR TƏŞKİLATLANMA VAR”

[12.02.2012] - “DAVUDOĞLUNUN BƏYANATI HƏM DƏ AZƏRBAYCANA ÜNVANLANIB”

[12.02.2012] - AZƏRBAYCANLI DEPUTAT TAKSİMDƏKİ MİTİNQƏ QATILACAQ

[12.02.2012] - YAXIN ŞƏRQDƏ 9 DƏQİQƏ...

[11.02.2012] - TURAL ABBASLI ARİF HACILIYA NİYƏ DƏSTƏK VERDİ?

[11.02.2012] - TÜRK NAZİRİN VAŞİNQTONDAN MESAJLARI

[11.02.2012] - HÜSNÜ MÜBARƏKİN PULLARI AZƏRBAYCANA GƏTİRİLİR

ARXIV