LƏNKƏRANDA ZƏNCİRVARİ QƏZA OLDU | Kriminal

	22 may 2012


Onlayn ictimai-siyasi qəzet

Kriminal

LƏNKƏRANDA ZƏNCİRVARİ QƏZA OLDU

2012-01-24

İki minik avtomobili yük maşını ilə toqquşub. Milli.az-ın Cənub TV kanalına istinadən verdiyi məlumata görə, Ələt-Astara magistral yolunun 200-cü kilometrliyində, Lənkəranın Digah kəndi ərazisində zəncirvari yol qəzası baş verib.

Astara istiqamətində hərəkətdə olan Əmirov Elman Oruc oğlunun idarə etdiyi “Mercedes” markalı 10-UD-788 dövlət qeydiyyat nişanlı avtomobil və Lənkəran rayon Girdəni kənd sakini Zahid Nəzərovun idarə etdiyi “VAZ-2106" markalı 42-BA-167 dövlət qeydiyyat nişanlı avtomobil əks istiqamətdə hərəkətdə olan ”Mercedes" markalı 90-JM-282 dövlət nömrə nişanlı yük maşını ilə toqquşub.
Yük avtomobilinin sürücüsü, Bərdə rayon sakini Nurəddin Qaraşovun dediyinə görə, o öz yolunda olub və “VAZ-2106" markalı avtomobil anidən onun qarşısına çıxıb. Deyilənləri hadisə yerində olan Dövlət Yol Polisi əməkdaşları da təsdiq ediblər. Yol patrul xidmətinin əməkdaşı Vüqar Şükürovun bildirdiyinə görə, hadisəyə ”Jiquli" markalı avtomobil səbəb olub. Belə ki, qarşıdakı yük avtomobilini gözləməyən “Jiquli”nin sürücüsü ötmə əməliyyatı yerinə yetirməyə çalışıb. Amma yük maşınının onun üzərinə gəldiyini gördükdə onunla eyni istiqamətdə hərəkət edən “Mercedes”in arxasına keçməyə cəhd edib. Elə bu zaman “Mercedes”ə dəyən avtomobilin arxa hissəsinə də yük maşını dəyib.
Faktla bağlı araşdırmalar davam edir.

Xəbər xidməti

380 dəfə baxılıb