YAŞLI KİŞİNİN 20 YAŞLI QATİLİ TUTULDU

	22 may 2012


Onlayn ictimai-siyasi qəzet

Kriminal

YAŞLI KİŞİNİN 20 YAŞLI QATİLİ TUTULDU

2012-01-25

Ötən gün Qusar rayonunda 65 yaşlı Novruzbəy Ağayevi evində qətlə yetirməkdə şübhəli bilinən şəxs yaxalanıb. Qusar rayon prokurorunun köməkçisi Anar Salehovun ANS PRESS-in bölgə müxbirinə verdiyi məlumata görə, Qusar rayon polis şöbəsi və prokurorluğunun əməkdaşlarının həyata keçirdikləri birgə axtarış əməliyyat tədbirləri nəticəsində cinayətdə şübhəli bilinən 22.05.1992-ci il təvəllüdlü Kamil Nadir oğlu Vəlimətov şübhəli şəxs qismində saxlanılıb. Hadisənin baş vermə səbəbləri, motivi haqqında araşdırma aparılır və istintaqın nəticəsindən sonra ətraflı məlumat veriləcək.

ANS PRESS-in bölgə müxbirinin əldə etdiyi digər məlumata görə, Kamil Vəlimətov əvvəlcə yaşlı kişinin boğazını bıçaqla yaralayıb, daha sonra kəndirlə onu boğub.

Xatırladaq ki, yanvarın 23-nə keçən gecə saat 23:40 radələrində Qusar rayonunun Gədə Zeyxur kənd sakini, 1947-ci il təvəllüdlü Novruzbəy Rəşid oğlu Ağayevin evində meyiti aşkarlanıb. Meyitin üzərində zorakılıq əlamətləri olub. İlkin araşdırmalar zamanı hadisənin qətl olduğu təsdiqlənib.

Qeyd edək ki, faktla bağlı Qusar rayon Prokurorluğunda Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb.

718 dəfə baxılıb