QƏBİRİSTANLIQDA DONARAQ ÖLDÜ | Kriminal

	22 may 2012


Onlayn ictimai-siyasi qəzet

Kriminal

QƏBİRİSTANLIQDA DONARAQ ÖLDÜ

2012-02-03

Azərbaycan paytaxtında daha bir nəfər donaraq ölüb. Bu barədə APA-ya Suraxanı Rayon Polis İdarəsindən bildirilib.

Hadisə bu gün Əmircan qəsəbəsində yerləşən kənd qəbiristanlığında qeydə alınıb. Qəbiristanlıq ərazisində 50-55 yaşlarında kişi meyitinin olması barədə polisə məlumat daxil olub. Daxil olan məlumat əsasında hadisə yerinə rayon Prokurorluğunun əməkdaşları çıxıb. Meyitə ilkin baxış keçirilərkən onun donaraq öldüyü məlum olub. Mərhumun şəxsiyyəti hələlik məlum olmasa da, onun tüfeyli həyat tərzi keçirdiyi ehtimal edilir.
Faktla bağlı araşdırma aparılır.
Qeyd edək ki, ölkədə müşahidə olunan şaxtalı hava şəraiti ilə əlaqədar dünəndən bu gün səhər saatlarına kimi Bakıda 4 donvurma hadisəsi qeydə alınıb. Bakı şəhəri Təcili və Təxirəsalınmaz Tibbi Yardım Stansiyasının baş həkimi Mürsəl Həmidov APA-ya bildirib ki, donvurmaya məruz qalanlardan 3-ü “bomj” olub və onlar xəstəxanaya yerləşdirilib.
Bu gün səhər saatlarında isə Mərdəkan qəsəbəsindən donvurma ilə bağlı təcili yardıma müraciət daxil olub. 45-50 yaşlarında kişi küçədə ölüb. Təcili yardım çağırıblar. Təcili yardım briqadası həmin şəxsin meyitini hadisə yerində polisə təhvil verib.

APA

708 dəfə baxılıb