SUMQAYITDA ANA VƏ İKİ AZYAŞLI ÖVLADI YANARAQ ÖLÜB

	22 may 2012


Onlayn ictimai-siyasi qəzet

Kriminal

SUMQAYITDA ANA VƏ İKİ AZYAŞLI ÖVLADI YANARAQ ÖLÜB

2012-02-04

İki nəfər donvurmadan ölüb

Sumqayıt şəhərində dəhşətli yanğın hadisəsi baş verib. Sumqayıt Şəhər Polis İdarəsindən APA-ya verilən məlumata görə, hadisə fevralın 2-də şəhərin Tağıyev qəsəbəsində qeydə alınıb. Fərdi yaşayış evində baş verən yanğın zamanı evdə olan 3 nəfər - 35 yaşlı Afaq Məmmədova və onun iki azyaşlı övladı, 6 yaşlı Aydan və 2 yaşlı Anar yanaraq ölüblər.

Həmin gün Ağstafa rayonunda güclü yanğın olub. Rayonun Səməd Vurğun qəsəbəsində qeydə alınıb. Qəsəbə sakini, 82 yaşlı Yolçu Vəliyevə məxsus evdə baş verən yanğın nəticəsində Y. Vəliyevin həyat yoldaşı Güllü Vəliyeva yanaraq ölüb. Y. Vəliyev isə müxtəlif xəsarətlərlə xəstəxanaya yerləşdirilib.
Bakıda isə azyaşlı qız uşağı dəm qazından boğulub. Hadisə rayonun M. Rəsulzadə qəsəbəsi, M. Davudov küçəsi 29 ünvanında qeydə alınıb. Həmin ünvanda yaşayan 2 yaşlı Müjdan Rövşən qızı Salehli yaşadığı evdə dəm qazından boğularaq ölüb. «Trend»in məlumatına görə, Bakı Şəhər Təcili və Təxirəsalınmaz Tibbi Yardım Stansiyasının baş həkimi Mürsəl Həmidov bildirib ki, donvurmaya məruz qalanlardan 3-ü xəstəxanaya çatdırılıb və onlar yaşayış yeri olmayanlar (“bomj”) olub.
Srağagün səhər saatlarında Mərdəkan və Əmircanda 45-50 yaşlarında iki kişi küçədə donvurmadan ölüb.

Xəbər xidməti

395 dəfə baxılıb