“LİFE CENTER”dən 200 MİN MANATLIQ QIZIL-BRİLYANT APARILDI

	22 may 2012


Onlayn ictimai-siyasi qəzet

Kriminal

“LİFE CENTER”dən 200 MİN MANATLIQ QIZIL-BRİLYANT APARILDI

2012-02-05

Ticarət mərkəzinin iki mühafizəçisi polisə çağırılıb

Bakının Nərimanov rayonu ərazisində qarlı qış gecəsində müdhiş oğurluq olub. Polisdən eksklüziv olaraq “Qafqazinfo”ya daxil olan məlumata görə, Nərimanov rayonu ərazisində yerləşən “Life Center” ticarət mərkəzi və onun yaxınlığındakı “Tefal” mağazası qarət olunub.

Hər iki oğurluq hadisəsi fevralın 3-nə keçən gecə törədilib. Naməlum şəxslər “Life Center” ticarət mərkəzində qızıl mağazasından içində 200 min manat dəyərində qızıl-brilyant olan seyfi aparıblar. Naməlum şəxslər seyfi adyala bürüyərək arxa qapıyadək sürüyüb oradan çıxarıblar. Hətta mağazada olan iki ədəd bahalı kürkü də özləri ilə götürsələr də yolda atıblar. Oğrular mağazada içərisində külli miqdarda daş-qaş olan daha böyük seyfi isə apara bilməyiblər.
Oğrular həmin gün “Tefal” mağazasına da soxulublar. Oradan kassadan cəmi 800 manat məbləğində nağd pul götürüblər. Hər iki hadisənin kim tərəfindən törədilməsi məlum deyil. Diqqət çəkən məqamlardan biri də hadisənin işıqlar sönən vaxt baş verməsidir. Polis əməkdaşları hazırda oğurluq hadisəsinin eyni adamlar tərəfindən törədilməsi versiyası üzərində işləyirlər.
Əldə etdiyimiz məlumata görə, “Life Center” ticarət mərkəzinin iki mühafizəçisi də polisə çağırılıb.

Xəbər xidməti

2811 dəfə baxılıb