BAKIDA ÜÇ BACI, ZƏRDABDA MƏKTƏBLİ DƏM QAZINDAN ÖLDÜ

	10 fevral 2012


Onlayn ictimai-siyasi qəzet

Kriminal

BAKIDA ÜÇ BACI, ZƏRDABDA MƏKTƏBLİ DƏM QAZINDAN ÖLDÜ

2010-02-05

Sumqayıtda yanan evdə isə bir ailənin 5 üzvü zəhərləndi

Bakı şəhərində bir ailənin üç üzvü dəm qazından boğularaq ölüb. Bu barədə APA-ya Yasamal Rayon Prokurorluğundan məlumat verilib.

Hadisə fevralın 4-də saat 14:00 radələrində Yasamal rayonu, 2-ci Alatava qəsəbəsində baş verib. Qəsəbə sakini, 53 yaşlı Rasim Hümbətov yaşadığı evdə dəm qazından zəhərlənib. Onun övladları - 20 yaşlı Fatma, 18 yaşlı Gülşən və 17 yaşlı Aysel isə dəm qazından boğularaq ölüblər. Yasamal Rayon Prokurorluğunun və Yasamal Rayon Polis İdarəsinin əməkdaşları hadisə yerində araşdırma aparıb.
Zərdab rayonunda isə 14 yaşlı məktəbli dəm qazından boğulub. Bu barədə APA-ya Zərdab Rayon Polis Şöbəsindən məlumat verilib. Hadisə fevralın 3-dən 4-nə keçən gecə baş verib. Rayon sakini, 1996-cı il təvəllüdlü Camal Camalzadə hamamda çimərkən dəm qazından boğularaq ölüb. Faktla bağlı Zərdab Rayon Prokurorluğu tərəfindən araşdırma aparılır.
Daha bir faciə Sumqayıtda baş verib. Mənzildə baş verən yanğın 5 ailə üzvünün zəhərlənməsi ilə nəticələnib. Sumqayıt Şəhər Polis İdarəsindən milli.az-a verilən məlumata görə, fevralın 3-də saat 04:15 radələrində Sumqayıt şəhəri, 5-ci mikrorayon, ev 33/6-da yaşayan Çingiz Kərimova məxsus üçotaqlı mənzildə yanğın baş verib. Nəticədə evin sakinləri İradə Kərimova, Sevinc Kərimova, Adil Kərimov, Elsevər Kərimov və Bəkir Ağayev tüstüdən zəhərlənmə ilə xəstəxanaya müraciət edib. Onlara ilkin tibbi yardım göstəriləndən sonra evə buraxılıblar. Zərərçəkənlərdən ikisi azyaşlıdır.

NİCAT

543 dəfə baxılıb