BAKI ŞƏHƏR ÜZRƏ 300 CİNAYƏTKAR AXTARIŞDADIR

	12 fevral 2012


Onlayn ictimai-siyasi qəzet

Kriminal

BAKI ŞƏHƏR ÜZRƏ 300 CİNAYƏTKAR AXTARIŞDADIR

2010-03-13

2010-cu ilin ilk iki ayı ərzində Bakı şəhərində 1569 cinayət hadisəsi qeydə alınıb. APA-nın məlumatına görə, bu barədə Bakı şəhər Baş Polis İdarəsinin mətbuat xidmətinin rəisi Qalib Rəhimov dünən keçirdiyi mətbuat konfransında deyib.

Bildirilib ki, bu ilin ilk iki ayında qeydə alınan cinayətlərin sayı keçən ilin müvafiq dövrü ilə müqayisədə 4,9 faiz çoxdur. Cinayətlərin açılma faizi isə artaraq, ötən ildə 65 faiz, bu ildə isə 69 faiz təşkil edib. Şəxsiyyət əleyhinə olan cinayətlərdən qəsdən adam öldürmə, adam oğurluğu, zorlama kimi ağır cinayətlərin sayı keçən ilin müvafiq dövrü ilə müqayisədə azalmış, açılma faizi isə sabit qalaraq, 100 faiz təşkil edib. Q.Rəhimov deyib ki, Bakı şəhərinin 11 rayonu üzrə 300 cinayətkar axtarışdadır: “Bunların içərisində İnterpol xətti ilə axtarışda olanlar da var. Bu qədər vaxt axtarışda olmalarının səbəbi həmin şəxslərin xarici ölkə vətəndaşlığını qəbul etməsidir. Həmin şəxslərin tutulması və ölkəyə ekstradisiya olunması məsələsində problemlər yaranır. Axtarışda olanlar əsasən, xuliqanlıq, dələduzluq və oğurluq cinayətləri törədib”.
Bu ilin müvafiq dövründə narkotik vasitələrlə bağlı qeydə alınan cinayətlərin sayı ötən illə müqayisədə artıb.
Q.Rəhimov cari ildə cinayətlərin ümumi sayının artmasını qeydiyyat-uçot işinin ildən ilə yaxşılaşdırılması ilə əlaqələndirib. Onun sözlərinə görə, bu proses Daxili İşlər Nazirliyi və Baş Polis İdarəsinin rəhbərliyinin daim nəzarətindədir və bu istiqamətdə lazım olan bütün tədbirlər görülür.

Xəbər xidməti

456 dəfə baxılıb