YOL QƏZALARI DAHA 8 CAN ALDI | Kriminal

	12 fevral 2012


Onlayn ictimai-siyasi qəzet

Kriminal

YOL QƏZALARI DAHA 8 CAN ALDI

2010-03-14

Sabunçuda 3 nəfərin ölümü ilə nəticələnən dəhşətli yol qəzası baş verib. Daxili İşlər Nazirliyinin (DİN) məlumatına görə, martın 12-də saat 22:00 radələrində Maştağa ərazisində Bakı sakini Samir Cəlilovun idarə etdiyi “BMW” və Bilgəh sakini Səxavət Camalovun idarə etdiyi “VAZ-2107" toqquşub. Nəticədə S.Camalovun sərnişinləri - Bilgəh sakinləri Rəhman Əliyev, Sahib Tağıyev və onun qardaşı Rahib hadisə yerində ölüb, xəsarət almış hər 2 sürücü və digər sərnişinlər - Bilgəh sakini Ələkbər Əliyev və Biləsuvar sakini Sənubər İsgəndərova isə xəstəxanaya yerləşdirilib.

Həmin gün saat 16:00-da Nardaranda Münasib Zeynalovun idarə etdiyi “KamAZ” və Mehman Quliyevin idarə etdiyi “VAZ-21011" toqquşub. ”VAZ-21011"-in sürücüsü xəsarət alıb, sərnişini Ramiz Əliyev isə ölüb.
Ucarda rayon sakini Əli Abbasov idarə etdiyi “VAZ-2107" markalı maşını aşırıb. Nəticədə maşında olan 3 yaşlı Fatimə Abbasova ölüb. Ə.Abbasov, 2 yaşlı Əli Abbasov və 5 yaşlı Bəsirə Abbasova isə xəstəxanaya yerləşdirilib.
Martın 13-də saat 00:30 radələrində Nizami rayonundakı R.Rüstəmov küçəsində Mayıl Həsənov idarə etdiyi “BMW” ilə Yaşar Babayevi vurub. Piyada aldığı xəsarətlərdən ölüb.
Martın 12-də Bərdədə rayon sakinləri Rasim Hacıyevin idarə etdiyi “ZİL” və Hüseyn İmamverdiyevin idarə etdiyi “VAZ-21099" toqquşub. Xəsarət almış H.İmamverdiyev və sərnişini Azər Səfərov xəstəxanaya yerləşdirilib. H.İmamverdiyev xəstəxanada keçinib.
Dünən saat 17:00 radələrində Sumqayıtda piyadanın ölümü ilə nəticələnən ağır yol qəzası baş verib. Şəhər sakini, 1981-ci il təvəllüdlü Rövşən Əliyev idarə etdiyi “Daewoo” markalı, 50 AD 797 nömrəli marşrut avtobusu ilə yolu keçmək istəyən piyada, 62 yaşlı Diliş Əsədovanı vurub. Zərbədən yıxılan piyada avtobusun altında qalaraq dünyasını dəyişib.

Xəbər xidməti

782 dəfə baxılıb