AVROPADA GÜRCÜ “AVTORİTET”LƏRƏ QARŞI ƏMƏLİYYAT

	13 fevral 2012


Onlayn ictimai-siyasi qəzet

Kriminal

AVROPADA GÜRCÜ “VOR ZAKON”LARA QARŞI ƏMƏLİYYAT

2010-03-17

Həbs edilənlər arasında “Yaponçik”in tituluna iddia edən “Şakro molodoy”un adamları da var

Avropanın altı ölkəsində mütəşəkkil cinayətkarlığa qarşı polis əməliyyatı keçirilib. Xəbərlərə görə, martın 15-də həyata keçirilən əməliyyatda 69 nəfər həbs edilib. Təkcə İspaniyada narkotik qaçaqmalçılığı əleyhinə aparılan əməliyyat zamanı polis 24 nəfəri saxlayıb. Saxlanan şəxslər keçmiş Sovet İttifaqı ölkələrindən olanlardır. Onların narkotik maddələrin qaçaqmalçılığı, çirkli pulların yuyulması, silah saxlama kimi əməllərdə ittiham edildiyi deyilir. Polis mənbələri tutulan şəxslərin gürcü olduqlarını deyib.
Məlumatlara görə, cinayətkar qruplaşmaların tərkibinə daxil olanlar İspaniya ərazisində dörd ildən çoxdur fəaliyyət göstəriblər. Onlar çirkli pulların yuyulmasında, narkotiklərin dövriyyəsində, silah qaçaqmalçılığında və narkotik satışında ittiham edilirlər. Əməliyyatlar Almaniya, İsveçrə və İtaliyada da keçirilib. Axşam saatlarında Fransa polisinin də əməliyyatlara qoşulduğu xəbəri yayılıb. Həbs edilənlərin arasında keçmiş sovet respublikalarından olan “vor zakon”lar da yer alır.
Dünən əməliyyatın detalları haqda yeni məlumatlar yayılıb və məlum olub ki, tutulanlar arasında iki məşhur gürcü “vor zakon” yer alır. Onlardan biri “gürcü mafiyası” nın liderlərindən biri Kaxaber Şuşanaşvilidir. Həbs edilənlərin əksəriyyətinin digər tanınmış gürcü “vor zakon”, kriminal aləmin əfsanəvi lideri olan “Yaponçik”in tituluna iddia edən “Şakro Molodoy” ləqəbli Zaxar Kalaşovun adamları olduğu bildirilir. Tutulanlar bir qrup Ermənistan vətəndaşının və İspaniyanın Valensiya şəhərində yaşayan zərgərin vasitəsilə çirkli pulların dövriyyəsini təşkil ediblər. Bildirilir ki, eyni vaxtda bir neçə ölkədə keçirilən əməliyyat İspaniyadan idarə olunub.

Siyasət şöbəsi

1926 dəfə baxılıb