BİR AİLƏNİN 3 ÜZVÜNÜ ÖLDÜRƏN ŞƏXS TUTULDU

	13 fevral 2012


Onlayn ictimai-siyasi qəzet

Kriminal

BİR AİLƏNİN 3 ÜZVÜNÜ ÖLDÜRƏN ŞƏXS TUTULDU

2010-07-27

Srağagün gecə Abşeron rayonunda həyat yoldaşını, qayınatasını və qayınanasını qətlə yetirən şəxs tutulub. Lent.az-ın Baş Prokurorluğun saytına istinadən verdiyi məlumata görə, 1982-ci ildə Zəngilan rayonunda anadan olmuş Qələndərov Nicat Rizvan oğlu Abşeron rayonunun Digah kəndində yaşayan 1960-ci il təvəllüdlü qayınatası Dadaşov Teyyub Rəfail oğlunu, 1962-ci il təvəllüdlü qayınanası Dadaşova Zemfira Məmmədkərim qızını və 1987-ci il təvəllüdlü arvadı Dadaşova Şəlalə Teyyub qızını bıçaqla çoxsaylı bədən xəsarətləri yetirməklə öldürüb.

1990-ci il təvəllüdlü qaynı Dadaşov Hüseyn Teyyub oğlunu isə yaralayıb. Sonuncu ağır vəziyyətdə qonşuları tərəfindən xəstəxanaya çatdırılıb. Hadisə iyulun 25-nə keçən gecə ailə-məişət münaqişəsi zəminində baş verib.
N.Qələndərov qətli törədəndən sonra hadisə yerindən qaçsa da onu saxlamaq mümkün olub. Cinayəti törətməkdə şübhəli bilinən N.Qələndərov Abşeron Rayon Polis Şöbəsinin (RPŞ) əməkdaşları tərəfindən həyata keçirilən istintaq-əməliyyat tədbirləri nəticəsində saxlanılaraq istintaqa təqdim edilib və o, dindirilərkən törətdiyi cinayət əməlini tam etiraf edib. Hazırda iş üzrə istintaq rayon prokurorluğunda davam etdirilir. Faktla bağlı CM-in 120.2.4 və 120.2.7-ci maddələri ilə cinayət işi başlanıb.
Abşeron RPŞ-nin rəis müavini Famil Kərimov anspress-ə açıqlamasında qətlin ailə münaqişəsi zəminində, yaşayış yeri üstündə baş verdiyini bildirib. Gənc ailə arasında bu məsələ üstündə bir ilə yaxın müddətdə anlaşılmazlıq olub. Belə ki, N.Qələndərov həyat yoldaşı Ş.Dadaşovaya Pirşağı qəsəbəsində ata evində yaşamağı təklif edib. Ş.Dadaşovanın ailəsi isə qızlarının onlarla qalmasını istəyib. Nəticədə gecə saatlarında qanlı hadisə baş verib.

Xəbər xidməti

822 dəfə baxılıb